Tito 1:3 - Tonga Bible 1986

³ kweni pa nyengo zenecho wanguvumbuliya mazu ghake mu uthenga, weniwo ine ndingugomekezgeke nawo kwakuyana ndi langulu laku Chiuta Mtaski widu;

Tito 1:3 Iomraidhean Croise

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Danyele 11:27

Sono ŵakaronga yaŵa ŵaŵi mitima yawo yiganukiyenge pakuchita uheni, ŵakambenge utesi pa gome limoza, kweni ŵanduwenge kanthu cha; chifukwa umari wake uŵenge pa nyengo yakutemeka.

Danyele 8:23

Ndipo mu nyengo ya umari ya ufumu wawo po ŵarandizgi ŵakafikangapo pa chipimilo chawo, karonga wakawonekedu kanthazi, yo waziŵa vya muwubende wazamyuka.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

Marko 1:15

wakuti, “Nyengo yafiskika, ndipo waŵandika ufumu waku Chiuta: ng'anamukani ndi vwanani mu evangeli.”

Marko 13:10

Ndipo mu mitundu yose kutenere danga kumemezeka evangeli, wo.

Marko 16:15

Ndipo wanguŵanene, “Kaninga mu charu chose; ndipo memezani evangeli ku ulengi wose.

Luka 1:47

ndi mzimu wangu wakondwere mwaku Chiuta mtaski wangu.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

ŴaRoma 16:26

Kweni sono ghakuvumbulika, ndipo mumalembo gha ŵamchimi kwakulingana ndi langulu laku Chiuta wamuyaya, chaziŵiskika, ku mitundu yose kuŵatore ku chivwanu cha mu muvwiyu;

ŴaRoma 5:6

Chifukwa kuti, tenga teche ŵakutomboroka; pa nyengo yakwenere Kristu wangufwiya ŵambura kuziŵa Chiuta.

1 ŴaKorinte 9:17

Chifukwa asani ndichita ichi mukhumbu laku ndamwene, nde nayo mphotu: kweni asani kuti ndimukhumbu langu cha nchifukwa chakuti: ndagaŵikiya mlimu uwu.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,

ŴaEfeso 1:10

yati yafika nyengo vinthu vyose, vyakuchanya ndi vyapanupasi vyo, viŵe vimoza mwaku Kristu iyo.

ŴaEfeso 2:17

ndipo wanguzamtauliya chimangu kwaku imwe mwaŵakutari, ndi kwaku wo ŵakufupi:

ŴaFilipi 1:13

viyo kuti magoŵa ghangu ghawoneka mose mu nyumba yaufumu, ndi ku ŵakujapo wose, kuti ngapa chifukwa chaku Kristu;

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

1 ŴaTesalonika 2:4

kweni uli ndimo tazomerezgeke ndi Chiuta kutipingizga evangeli wo, viyo tikamba; nge mbakukondweska ŵanthu cha, kweni Chiuta yo watesa mitima yidu.

1 Timote 1:1

Kalata wakutuwa kwaku Paulo wakutumika waku Kristu Yesu, uli ndi langulu laku Chiuta Mtaski widu, ndi laku Kristu Yesu, Chigomekezgu chidu,

1 Timote 1:11

uli ndi evangeli wa unkhankhu waku Chiuta wakutumbikika, weniwo ine ndingugomekezgeka nawo.

1 Timote 2:3

Chenichi nchamampha ndi chamarondeka mu maso ghaku Chiuta Mtaski widu,

1 Timote 4:10

Chifukwa cheni chititataliya ndipo tilimbalimbiya, pakuti tagomekezge paku Chiuta wamoyo, mweniyo ndi Mtaski wa ŵanthu wose, ukongwa wa ŵachivwanu.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Tito 2:10

kuŵa ŵakuŵiringuwa cha, ŵalitolitoli cha, kweni ŵakurongo ukongorekwa wose wamampha; alinga kuti ŵadyoŵeske chirunguchizgu chaku Chiuta Mtaski widu mu vinthu vyose.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

Chivumbuzi 14:16

Ndipo mweniyo wanguja pa mtambo wangupong'a chisenga chake pa charu chapasi; ndipo charu cho chinguvunika.