Tito 1:2 - Tonga Bible 1986

² mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

Tito 1:2 Iomraidhean Croise

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Marko 10:17

Ndipo wachituliya iyo ku nthowa, wanguchimbiriyako yumoza, ndipo wakumlambiya wangumfumba, “Msambizgi wamampha, nkhachitanga chine kuti ndihare umoyo wamuyaya.”

Marko 10:30

yo warekenge kuronde vya machumi pe chumi sono munyengo yeniyi, zinyumba, ndi ŵabali, ŵazichi, ŵanyina, ŵana, ndi minda, pamoza ndi masuzgu, ndi kuti mu mgonezi wo utuza umoyo wamuyaya.

Yohane 10:28

Ine nditizipaska umoyo wamuyaya; kuti zikafwanga cha, ndipo kuti yumoza wazikwamphuwenge mu janja langu cha.

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 5:39

Mupenja mu malembo, pakuti mutiti mwaku ghenigho mwe nawo umoyo wamuyaya: ndipo ghenagha ndigho ghasimikizgiya ine;

Yohane 6:54

Wakurgha nyama yangu ndi wakumwa ndopa zangu we ndi umoyo wamuyaya; ndipo ine ndimyuskenge mu zuŵa lakumariya.

Yohane 6:68

Simoni Petro wangumwamuka, “Ambuya, tikayanga kwaku yani? Imwe mwe nagho mazu gha umoyo wamuyaya.

Machitidu gha Ŵakutumika 15:18

watiti Mbuya, mweniyo wachita vyenivi, kuti viziŵikwe kutuwa ku mtendeku.’

ŴaRoma 1:2

uthenga wo wangupangizga ŵamchimi ŵake kali mu malembo ghakupaturika;

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

ŴaRoma 5:2

mwaku mweniyo nayo taŵandikiyamo ndi chivwanu mu wezi uwu mwenimo tituma; ndipo titumbwiya mu chigomekezgu cha unkhankhu waku Chiuta.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

ŴaRoma 5:4

ndi unkhunthiya, nkharu; ndi nkharu; chigomekezgu;

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;

1 ŴaTesalonika 5:8

Kweni ifwe, taŵakuŵa ŵa msana, tizize, taŵakuvwara chivekeru chapa chifuŵa cha chivwanu ndi chanju, ndi nge nchapa mutuchigomekezgu cha chipozomosku.

1 Timote 6:12

Limba-limbanga mlimbanu wo weneko wa chivwanu, jibwakiye umoyo wo wamuyaya, kwaku weniwo ungudanikiya, ndipo unguzomerezga chizomerezgu cho cheneko pa maso gha ŵakaboni ŵanandi.

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

2 Timote 1:1

Kalata wakutuwa kwaku Paulo wakutumika waku Kristu mu khumbu laku Chiuta, uli ndi phanganu la umoyo wa mwaku Kristu Yesu,

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

2 Timote 2:13

asani tiura kuvwana, wajaririya iyo wamagomekezgeka; chifukwa kuti waziŵa cha kujikana mweneko.

2 Timote 2:15

Pamphuka kujipereka wakurumbika kwaku Chiuta, wa mlimu wambura kukanyara, wakugaŵiya kwakurunjika mazu gha uneneska wo.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

Tito 2:7

mwaku vyose ŵakujirongo chandiru cha milimu yeneko; mu sambizgu lo, ŵakurongo uwurachivuzi, uziza,

Tito 3:7

alinga kuti, pakurunjiskika ndi wezi wake, tiŵenge ŵakuhara kwakulingana ndi chigomekezgu cha umoyo wamuyaya.

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

Yuda 1:21

mujisunge mu chanju chaku Chiuta, ndi kulereze lisungu la Ambuyafwe Yesu Kristu la ku umoyo wamuyaya.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”