Tito 1:1 - Tonga Bible 1986

¹ Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Tito 1:1 Iomraidhean Croise

1 Mikoka 6:49

Kwani Aroni ndi ŵana ŵake ndiwo ŵangutemeke mipasku yapa guŵa lakochiyapo sembe ndi pa guŵa la vyakusunkhizga ndi nchitu yose ya mu malo ghakupaturika ukongwa, ndi kuchitiya mphepeska ŵaYisraele, kwakulingana ndi vyose vyo Mosese mteŵeti wa Ambuya wangulangula.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

2 ŴaKorinte 1:1

Kalata wakutuwa kwaku Paulo, wakutumika waku Kristu Yesu mu khumbu laku Chiuta, ndi Timote mbali widu, ku mpingu waku Chiuta wamu Korinte, pamoza ndi ŵakupaturika wose ŵamu Akhaia yose.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

ŴaFilipi 1:1

Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

1 Timote 2:4

mweniyo wakhumba ŵanthu wose kutaskika ndi kufikapo pa mziŵiru wa uneneska.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

1 Timote 6:3

Asani yumoza wasambizga chinyake, ndi wareka kuzomerezga mazu ghazirima, gho gha Ambuyafwe Yesu Kristu, ndichisambizgu cha uwopa Chiuta,

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

2 Timote 2:23

Kweni mafumbo ghakupusa ndi ghajira kananga, pakuziŵa kuti ghayuska mbembi.

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

2 Petro 1:3

Uli ndimo nthazi yake yauchiuta yatipaskiya vyose vyakukhumbikwa ku umoyo ndi uwopa Chiuta, mu kumziŵa mweniyo watidaniya ku unkhankhu ndi umampha waku yija;

2 Petro 3:11

Pakuti vinthu ivi vyose vyazamsongonoka, kutenere imwe kuŵa ŵakutinji mu mendedu ghakhovu ndi mauwopa Chiuta,

1 Yohane 2:23

Yose wakumkana Mwana, walive so Dada: yo ngwakuzomera Mwana, we nayo Dada so.

Chivumbuzi 1:1

Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;