Sumu 99:3 - Tonga Bible 1986

³ Ŵarumba zina linu likuru ndi lakofya! Wakupaturika ndiyo!

Sumu 99:3 Iomraidhean Croise

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Nehemiya 4:14

Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

Sumu 100:4

Sereni mu malikomo ghake ndi kuwonga, mu maluluwa ghake ndi kurumba! Muwongeni, ndipo murumbeni iyo!

Sumu 103:1

Rumbanga Ambuya, wa mzimu wangu, ndipo chose cha mukati mwangu, chirumbe zina lawo lakupaturika!

Sumu 111:9

Angupaska uwombozi ku khamu lawo, ndi kupangana nawo phanganu la muyaya. Mtuŵa ndi wanthazi ndiyo!

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Sumu 76:1

Chiuta waziŵikwa mwaku Yuda, zina lake ndikuru mwaku Yisraele.

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.

Yesaya 6:3

Ndipo yumoza wangudanirizga ku munyake wanguti: “Mtuŵa, mtuŵa, mtuŵa ndi Ambuya ŵa maŵanja, charu chose chapasi chazara unkhankhu wake.”

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Marangu 28:58

“Asani mukaŵanga ŵambura kuphwere kuchita mazu ghose gha dangu ili ghenigho ghakulembeka mu buku ili, kuti mopenge zina la unkhankhu ndi lakofya, Ambuya Chiuta winu,

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Yoswa 24:19

Kweni Yoswa wangunena nawo, “Kuti mungaziŵa kutataliya Ambuya cha; pakuti ndi Chiuta mtuŵa; ndi Chiuta wasanje; kuti wakagowokiyanga maubendezi ghinu pamwenga vilakwa vinu cha.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

1 Samuele 2:2

“Kulivi mtuŵa nge mba Mbuya, palivi yumoza pade paku imwe; kulivi jarawi lakuyana ndi Chiuta widu.