Sumu 9:10 - Tonga Bible 1986

¹⁰ Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Sumu 9:10 Iomraidhean Croise

2 Samuele 22:3

Chiuta wangu, jarawi langu, mwaku mweniyo ndidingang'a, nguru yangu, ndi mtaski wangu wa nthazi, linga langu ndi chakudingang'amo changu, mtaski wangu, imwe mutinditaska ku mbembe.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Sumu 37:28

Chifukwa Ambuya atanja cheruzgu, kuti akasiyanga ŵatuŵa ŵawo cha. Ŵakurunjika ŵakasungirizgikanga muyaya, kweni ŵana ŵa ŵaheni ŵakadumulikanga.

Sumu 37:39

Utaski wa ŵarunji utuliya ku Ambuya; nchakudingang'amo chawo mu nyengo ya suzgu.

Sumu 5:11

Kweni ŵakondwe wose ŵakudingang'a mwaku imwe, ŵambiyenge chimwemwe muyaya; muŵavikiriye, alinga kuti wo ŵatanja zina linu wakondwenge mwaku imwe.

Sumu 57:1

Ndichitiyeni lisungu, A Chiuta, ndichitiyeni lisungu, pakuti mwaku imwe udingang'a mzimu wangu; mu chiduzi cha mapapiku ghinu ndimo ndidingang'enge, mpaka po vyajumpha vimphunga vya phasulu.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Yesaya 25:4

Pakuti imwe mwaŵa linga la ŵasauchi, linga la mukavu musuzgu yake, musasa waku lirondo ndi muduzi ku chifundizi; pakuti kuphwanya kwa ŵankhaza kwe nge nkhuputa kwa lirondo pa linga,

Yesaya 45:19

Kuti ndingukamba mu ubendi cha, mu charu cha mdima; ndengavi kukamba ku mphapu yaku Yakobe, ‘Ndipenjeni mu soka linu.’ Ine Ambuya ndikamba uneneska, nditaula chenicho ncha kurunjika.

Yeremiya 29:13

Pakundipenja mukandisanianga asani mundipenjenge ndi mtima winu wose.

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.