Sumu 85:3 - Tonga Bible 1986

³ Mungureka ukari winu paku iwo, mungujiwezga ku ufyu wa kandundu kinu.

Sumu 85:3 Iomraidhean Croise

2 Mikoka 6:39

viyo vwani kuchanya mu malo ghinu ghakujamo, rombo lawo ndi kuŵeyere kwawo, muŵafighiriye, ndi muŵagowoke ŵanthu ŵinu wo ŵamulakwiyani.

Sumu 106:23

Ndi viyo Chiuta wanguti wakaparghang'anga ŵanthu ŵake; kweni Mosese, mteŵeti wake wakusankhika, wanguma pakati paku Chiuta ndi ŵanthu, kuwezga ukari wake ku kuŵananga.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Chituwa 32:22

Ndipo Aroni wanguti, “Kuti ukari wa mbuyawangu ukole kwakocha cha; mutiŵaziŵa ŵanthu kuti ŵapenja uheni.

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 40:1

Sangaruskani, sangaruskani ŵanthu ŵangu; watiti Chiuta winu.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 6:7

Ndipo wangukwaska mlomo wangu, ndi wanguti, “Awona, ichi chakwaska milomo yako, kulakwa kwako kwatuzgikapo, ndipo uheni wako wagowokeleka.”

Yeremiya 50:20

Mu mazuŵa gho ndi mu nyengo yiya, atiti Ambuya, utimbanizi waku Yisraele ukapenjekanga, ndipo kuti ukaŵangapo cha nanga ngumoza; uheni mwaku Yuda, kuti ukasanirikanga cha nanga ngumoza; pakuti ndikagowokiyanga wo ndikasiyanga kuŵa ŵakujapo.

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

Marangu 32:43

“Tumbikani ŵanthu ŵake, mwa ŵamitundu mwe; pakuti watayiya thayu ndopa za ŵateŵeti ŵake, ndipo wachita thayu pa ŵarwani ŵake, ndipo walanga chifukwa cha charu cha ŵanthu ŵake.”