1 A Chiuta, rekani kuchetema; mungajanga chisisi, A Chiuta, mungaja chisisi!
Kwaku imwe, Ambuya ndidana; jarawi langu, rekani kundiŵiya nge ndi mgota, vinu, po imwe mutakuti mwaja chete, ine ndikaŵanga nge ndiwo ŵasikiya ku zenje.
Imwe mwachiwona, Ambuya; rekani kuja chisisi! Ambuya, mungaŵanga kutali ndi ine!
Yukani, Ambuya! Kumbi mugoniyanji? Sokani! Rekani kutijowo muyaya!
Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.
Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.
Kwa nyengo yitali ndataka cheti, ndaja chisisi ndi ndajikanizga; sono ndikabongonga uli ndi munthukazi wakupapa, ndikachitanga mwau ndi kutamantha.