Sumu 81:12 - Tonga Bible 1986

¹² Viyo ndinguŵazomerezga kuruta mu unonono wa mtima wawo, ndi kuchita vyose vyo wangukhumba.

Sumu 81:12 Iomraidhean Croise

Chiyambo 6:3

Sono Ambuya anguti, “Mzimu wanguti kuti ukajanga mu munthu cha muyaya, pakuti iyo ndi nyama; mazuŵa ghake ghakaŵanga virimika machumi pe chumi, pachanya machumi ghaŵi (120).”

2 ŴaKaronga 18:12

chifukwa kuti ŵengavi kuvwiya mazu gha Ambuya Chiuta wawo, kweni ŵangulengeska phanganu lake ndipo ndi vyose Mosese mteŵeti wa Ambuya wangulangula, kuti ŵanguphwereko cha chingana nkhuvwiya.

Nehemiya 9:16

“Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;

Jobu 8:4

Asani ŵana ŵinu ŵamulakwiya, iyo waŵapereka ku mazaza gha mamphuru ghawo.

Chituwa 11:9

Sono Ambuya anguti kwaku Mosese, “Farao kuti wakakutegherezganga cha; mwakuti vyakuziziswa vyangu vyandaniskike mu charu cha Egipiti.”

Yesaya 30:1

“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;

Yesaya 30:9

Pakuti mbanthu ŵakugaruka, ŵana ŵatesi, ŵana wo kuti ŵakavwanga cha kusambizga kwa Ambuya;

Yesaya 42:24

Njani wangumupereka Yakobe ku wakuparghang'a, ndi Yisraele ku ŵakupoka? Kuti ŵenga Ambuya cha ŵeniwo ifwe talakwiya, mu nthowa zaku mweniyo kuti ŵangukhumba kwendamo cha, ndi dangu laku mweniyo kuti ŵangukhumba kuvwiya cha?

Yeremiya 42:21

Ndipo msana wale ndakutauliyani ichi, kweni kuti mwavwiya mazu gha Ambuya Chiuta winu cha, kuchita cho wangundituma kumuneniyani.

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Ezekiele 20:8

Kweni ŵangugaruka kwaku ine kuti ŵangundivwiya cha; munthu yose kuti wangutaya vinthu vyakutinkhika vyo maso ghake ghangukorokwa navyo cha, nanga nkhutaya ŵangoza ŵaku Egipiti. “Penipo ndingughanaghana kuti ndiŵapunguliye ukari wangu ndi kumarizga kukara kwangu paku iwo mukati mu charu cha Egipiti.

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.

ŴaLevi 26:14

“Kweni asani murekenge kundivwiya, ndi kuti mukachitanga kwakuyana ndi marangu ghose yagha cha,

Machitidu gha Ŵakutumika 14:16

mweniyo mu migonezi yaruta wanguyileka mitundu yose kukamu mu mendedu ghaku yija.

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

ŴaRoma 1:24

Chifukwa chenichi Chiuta wanguŵapereka ku ukazuzi mu maulakalaka gha mitima yawo kuti ŵayuyuwe maliŵavu gha ŵeneko;

1 Samuele 8:19

Kweni ndipuuli ŵanthu ŵangukana kuvwa mazu ghaku Samuele wanguti,