Sumu 7:9 - Tonga Bible 1986

⁹ Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Sumu 7:9 Iomraidhean Croise

Chiyambo 20:5

Kumbi wengavi kukamba kwaku ine iyo mweneko munthurumi kuti, ‘Ndi mzichi wangu?’ Ndipo munthukazi nayo wanguti, ‘Ndi mzichi wangu!’ Mu ukongorekwa wa mtima wangu ndi manja ghangu ghambura kalema ndachita ichi.”

1 ŴaKaronga 8:32

iku vwani imwe kuchanya ko, ndipo chitani, muŵeruzge ŵaŵanda ŵinu, kususka wakulakwa yo pakutole pa mutu wa mwenecho vyo wachita, ndi kupaska chirewa ku wakurunjika yo pakumupaska mwenera wa urunji wake.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Sumu 10:15

Fyoni janja la muheni ndi wakuchita utimbanizi; penjani uheni wake mpaka po mwasaniya kuti palivi.

Sumu 10:18

mwakuti mweruzgi umampha muranda ndi wakuphwatikiya pasi. Ndikuti munthu wa charu chapasi wareke kuŵa so wakofya.

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Sumu 139:1

Ambuya, mwandipima, ndipo mwandithoŵa.

Sumu 17:3

Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.

Sumu 26:2

Ambuya mwe, mundisande, mundese; yesani mtima wangu ndi vinjeru vyangu.

Sumu 35:23

Mujiyuskiye muchanya, ndipo yukani pa urunji wangu, pa mlandu wangu, mwa Chiuta wangu ndi Mbuyangu!

Sumu 37:23

Michapu ya munthu yituliya ku Ambuya, ndipo achirikizga yo iwo akondwa nayo mu menderu ghake;

Sumu 40:2

Angundizuwuwa mu zenje lakofya, mu dongo la urambwi, angumika marundi ghangu pa jarawi, angukhozga menderu ghangu.

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Sumu 44:21

asi mphanyi Chiuta wachibowozga ichi? Pakuti waziŵa vyakubisika vya mtima.

Sumu 58:6

A Chiuta, phwayani minyu mu milomo yawo; bongondoni vibwanyu vya zinkharamu za mpupuka, Ambuyamwe!

Sumu 9:9

Ambuya ndi linga ku ŵakukandirizgikiya pasi, ndi linga mu nyengo za suzgu.

Sumu 96:10

Nenani ku mitundu yose, “Ambuya ausa! Inya, charu chikumiskika, kuti chikasukuniskikanga so cha; ŵeruzgenge makhamu mu kurunjika.”

Sumu 96:13

paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Yeremiya 20:12

Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.

Machitidu gha Ŵakutumika 12:23

Kweni sosonukweni mungelo wa Mbuya wangumkoso, chifukwa kuti wagupaska unkhankhu kwaku Chiuta cha; ndipo pakunyakata ndi fusi, wanguziririka.

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

1 ŴaTesalonika 3:13

alinga kuti akhozge mitima yinu yizira-kalema mu upaturika paurongo paku Chiuta widu Auskefwe, pa uzi wa Ambuyafwe Yesu pamoza ndi ŵakupaturika ŵake wose.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

1 Samuele 2:9

“Avikiriyenge marundi gha ŵakuvwana mwaku iwo; kweni ŵaheni ŵakadumulikiyanga ku mdima; chifukwa munthu kuti wakapundanga ndi nthazi yaku yija cha.