Sumu 7:6 - Tonga Bible 1986

⁶ Sokani, Ambuya, mu ukari winu, mujiyinuskiye pakumikana ndi ukari wa ŵakupindikana nane, yukani, A Chiuta wangu, imwe mwamika cheruzgu.

Sumu 7:6 Iomraidhean Croise

2 Samuele 17:14

Absalomu pamoza ndi ŵanthurumi wose ŵaYisraele, ŵanguti, “Fundu yaku Hushai mu Arki ndiyo yamampha kuruska yaku Ahitofele.” Chifukwa Ambuya angumika kususka fundu yamampha yaku Ahitofele, mwakuti Ambuya asiskiye uheni paku Absalomu.

Sumu 103:6

Ambuya achita urunji ndi cheruzgu paku wose ŵakukandirizgika.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Sumu 138:7

Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

Sumu 143:3

Murwani wandizingizga, waphwatiya pasi umoyo wangu; wandiŵika mu mdima, ulaka ndiwo ŵakufwa kale.

Sumu 3:7

Sokani, Ambuya mwe! Nditaskeni mwa Chiuta wangu! Pakuti Imwe mwakoso ŵarwani ŵangu wose pa dakama, mwaphwanya minyu gha ŵaheni.

Sumu 35:1

Suskanani nawo, Ambuya wo ŵasuskana nane; rwanani nawo wo ŵarwana nane!

Sumu 35:23

Mujiyuskiye muchanya, ndipo yukani pa urunji wangu, pa mlandu wangu, mwa Chiuta wangu ndi Mbuyangu!

Sumu 44:23

Yukani, Ambuya! Kumbi mugoniyanji? Sokani! Rekani kutijowo muyaya!

Sumu 44:26

Sokani, Zaninga muzichitovya! Tipozomoskeni chifukwa cha chifundu chinu!

Sumu 59:5

Imwe, Ambuya Chiuta wa maŵanja, ndimwe Chiuta waku Yisraele. Yukani langani mitundu; rekani kusiyapo nanga njumoza wa ŵakuchita uheni mwakupusika.

Sumu 73:20

Ambuya, alingana nge ndi loto lo ndi mlenji lithaŵa; uchiyuka uruwa mo maloto ghanguŵiya.

Sumu 74:3

Marundi ghinu ghende pa vyakupasuka ivi; ŵarwani ŵapasuwa vyose mu malo ghakupaturika.

Sumu 78:65

Kweni pavuli Ambuya anguyuka nge ngwakutuwa mu tulo; anguchita nge ndi munthu wanthazi yo waloŵe vinyo.

Yesaya 3:13

Ambuya ato malo ghawo kulimbana, asoka kweruzga ŵanthu ŵawo.

Yesaya 33:10

“Sono ndi kasokanga,” atiti Ambuya, “sono ndikajitumphuskanga; sono ndikakankhuskikanga.

Yesaya 37:20

Viyo sono, Ambuya mwe Chiuta widu, titaskeni ku janja lake, alinga maufumu ghose gha charu chapasi ghaziŵe kuti imwe pe ndimwe Ambuya.”

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?