Sumu 7:12 - Tonga Bible 1986

¹² Asani munthu wareka kung'anamuka, Chiuta wakanoranga lipanga lake; wapinda uta wake ndi kuwutweŵa.

Sumu 7:12 Iomraidhean Croise

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Sumu 129:4

Kweni Ambuya, mbarunji; adumuwa vingwe vya ŵaheni.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Sumu 9:5

Mwachenya mitundu, mwaparghang'a ŵaheni; zina lawo mwasisita ku muyaya ndi muyaya.

Yesaya 27:1

Mu zuŵa liya Ambuya ndi lipanga lawo likhomi, likuru ndi lakulimba, akalanganga Leviathani chinjoka chakuthaŵathaŵa, Leviathani chinjoka chakunyongoroka-nyongoroka, ndipo akabayanga cha nchalinda cho che mu nyanja.

Yesaya 34:5

Pakuti lipanga langu lamwa kwa mgutu mu machanya; ehe, lisikiya kwachichita cheruzgu pa Edomu, pa ŵanthu wo ndasuska.

Ezekiele 18:30

“Chifukwa cho ndikweruzgeninge imwe, nyumba yaku Yisraele, munthu yose kwakulingana ndi nthowa zake, atiti Ambuya Chiuta. Ng'anamukani, mtima rekani maubendezi ghinu ghose, vinu mphurupuru yingaŵa phasulu linu.

Ezekiele 21:23

Kweni kwaku iwo kukawonekanga ulaka ndi wula wa utesi; ŵarapa marapu ghakunozga; kweni iyo wakumbuka uheni wawo, mwakuti ŵakoreke.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Marangu 32:41

Asani ndinora lipanga langu lakung'anima, ndipo janja langu liko cheruzgu, penipo ndikachitanga thayu pa ŵarwani ŵangu, ndipo ndikaŵawerezgiyangapo ŵakunditinkha.