Sumu 7:10 - Tonga Bible 1986

¹⁰ Nguru yangu yendi Chiuta, yo wataska wakutowa mu mtima.

Sumu 7:10 Iomraidhean Croise

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 6:30

imwe mumuvwe kuchanya ko ku malo ghinu ghakujamo, mumugowoke; mugaŵiye we yose kwakulingana nge ndimo muziŵiya mtima wake, ndi mendedu ghake (pakuti imwe mwija ndimwe muziŵa mitima ya ŵana ŵa ŵanthu);

Jobu 8:6

asani ndiwe murunji ndiwakunyoroka, nadi wakayukanga chifukwa chaku iwe, ndi wazakukusakatiska ndi chakujamo chakwenere.

Sumu 112:2

Mphapu yake yikaŵanga ya nthazi mu charu; mgonezi wa munthu wakurunjika ukatumbikikikanga.

Sumu 125:4

Ambuya, kwakuwo mbamampha chitiyani umampha, ndi kwakuwo mbakutowa mu mitima yawo!

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 89:18

chifukwa mukusankha wakutivikiriya; imwe Mtuŵa Yumoza waku Yisraele, mukutipaska karonga widu.

Nthanthi 11:20

Ŵanthu ŵa miwongo yakurandizga mbukazuzi ku Ambuya, kweni wo mbakurunjika mu nthowa zawo wakondwa nawo.

Nthanthi 2:21

Pakuti ŵakunyoroka ŵakajanga mu charu, ndipo ŵanthu ŵakujisunga umampha ŵakajaliriyanga mwaku cho;

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Yeremiya 11:20

Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”