Sumu 26:9 - Tonga Bible 1986

⁹ Mungandipeyiyanga pamoza ndi ŵakulakwa, nanga mbumoyo wangu pamoza ndi ŵakudiska ndopa,

Sumu 26:9 Iomraidhean Croise

2 Samuele 16:7

Ndipo mu kutuka kwaku Shimei watinge, “Tuwa, tuwa, wamunthu wa ndopa iwe, wa munthu wakupusa iwe.

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

Sumu 139:19

A Chiuta, mphanyi mungubaya ŵaheni! Ŵanthu ŵachiwawa mphanyi ŵangutuwako kwangu,

Sumu 51:14

Ndipozomoskeni ku mlandu wa ndopa, A Chiuta, imwe ndimwe Chiuta mpozomoski wangu, ndipo lilime langu likamburiyenge imwe chifukwa mwanditaska.

Sumu 55:23

Kweni imwe A Chiuta, muŵapong'enge pasi, mu zenje la pharghaniko; ŵanthu ŵakudiska ndopa ndi ŵakupusika kuti ŵafiskenge mazuŵa gha umoyo wawonanga mphakatikati cha. Ine ndigomekezgenge mwaku imwe.

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Mateyu 25:32

Ndipo yikawunjikikanga paurongo pake mitundu yose; ndipo wakaŵagawuwanga yumoza ku munyake, uli ndimo mliska wagawuliya mberere ku mbuzi;

Mateyu 25:44

Sono iwo nawo ŵamukenge, kuti, ‘Ambuya, tingukuwonani zuŵanji wanja, pamwenga wanyota, pamwenga mlendo, pamwenga wankhuli, pamwenga wakutama, pamwenga mu ulinda, ndipo tengavi kukuteŵetiyani?’

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

1 Samuele 25:29

Asani ŵanthu ŵasokenge kurondo ndi kupenja umoyo winu, umoyo wa mbuyangu umangikenge mu mtolo wa ŵamoyo mukuphwerereka ndi Ambuya Chiuta winu; ndipo maumoyo gha ŵarwani ŵinu aghapong'enge ku bwalo ulaka ghatuwa mu chakupong'e mya.