Sumu 26:10 - Tonga Bible 1986

¹⁰ ŵanthu ŵeniwo mu manja ghawo mwe kutimbanizga kuheni, ŵeniwo manja ghawo gha marghe ghazaza ndi vinda.

Sumu 26:10 Iomraidhean Croise

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 11:2

Pakuti ehe, ŵaheni ŵapinda uta, muvwi ŵakoroŵeka kulisinga, kuti mu mdima ŵapong'e pa ŵakunyoroka mu mtima.

Sumu 36:4

Watata utimbanizi pa chakurapo chake; wajimiska mu nthowa yo kuti njamampha cha; uheni kuti wapata cha.

Sumu 52:2

Lilime lako le nge ndi lwenbe la kuthwa, iwe wakuchita utimbanizi.

Chituwa 23:8

Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.

Nthanthi 1:16

pakuti marundi ghawo ghachimbiriya ku uheni, ndipo ŵatinthimikiya kwachidira ndopa.

Nthanthi 4:16

Pakuti ŵangagona cha kwambura kuti ŵachita chiheni; ŵapokeka tulo kwambura kuti ŵaguŵiska munthu.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Amosi 5:12

Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Machitidu gha Ŵakutumika 23:12

Ndipo kwati kwaŵa msana, ŵaYuda wo ŵangumotoka, ndipo ŵangujirapiya ndi tembu, ndi kukamba kuti ŵangargha chingana nkhumwa cha mpaka ŵambaya Paulo.

Marangu 16:19

Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.