Sumu 24:1 - Tonga Bible 1986

¹ Nchaku Chiuta charu chapasi ndi uzari wake, charu ndi wo ŵajamo;

Sumu 24:1 Iomraidhean Croise

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

1 Mikoka 29:16

Ambuya Chiuta widu, ivi vyose tanozge kuzenge zina linu lituŵa nyumba, vyakutuliya mu janja linu, ndipo vyose vinu ndi vinu.

2 Mikoka 25:9

Ndipo Amaziya wanguti ku munthu waku Chiuta, “Kweni tikachitanga chine ndi matalente gha siliva machumi pe chumi (100) gho ndapaska ku ŵankhondo ŵaku Yisraele?” Munthu waku Chiuta wangwamuka, kuti, “Ambuya aziŵa kukupaska matalente ghanandi kwakuruska yagha.”

Jobu 34:13

Ndiyani yo wamupaska charu kuchilereska, ndipo ndiyani wangularika paku iyo charu chose?

Jobu 41:11

Ndiyani yo wandipaska, kuti nane ndimuwezge? Che chose cho chemu charu chapasi nchangu.

Jobu 41:3

Kumbi wakakuŵeyerenga kaŵikaŵi? Kumbi wakakambanga nawe mazu ghayuyu?

Sumu 50:10

Pakuti nyama yose ya mu dondo njangu, ng'ombe zamu mapiri chikwi.

Sumu 50:12

“Asani ndenga ndi nja, kuti ndatinge ndikuneniyengecha; chifukwa charu ndi uzari wake vyose vyangu.

Sumu 89:11

Nginu machanya, charu chapasi nacho nchimu; charu ndi vyose vya mwenimo, ndinwe mukuvilenga.

Sumu 89:12

Nkhonde ndi malaŵi, ndimwe mukuvijarika; phiri la Taboro ndi phiri la Hermoni ghakoŵere imwe, ndi kukondwa.

Sumu 98:7

Uruma, wa nyanja, ndi vyamoyo vyose vya mwaku iwe; mbanga, wa charu chapasi, ndi wose ŵakuja mwenimo!

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Mika 4:13

Yukani ndi mukhweme, mwa ŵanthu ŵaku Zioni; pakuti ndisanduskenge sengwe lino kuŵa chisulu, ndi vikandiro vino kuŵa vyamkuŵa; mukapikitanga ŵanthu ŵanandi, ndi kupatuliya Ambuya chanduwu chawo, usambasi wawo mukapatuliyanga Ambuya wa charu chose chapasi.

Nahumu 1:5

Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.

1 ŴaKorinte 10:26

Chifukwa, “Ncha Ambuya charu chapasi, ndi uzali wake.”

Marangu 10:14

Nadi machanya gha kuchanya, charu chapasi ndi vyose vyo vye mwenimo ndi vyo vya Ambuya Chiuta winu.