Sumu 23:6 - Tonga Bible 1986

⁶ Nadidi umampha ndi lisungu vindirondonge mazuŵa ghose gha umoyo wangu; ndipo nkhajaririyanga mu nyumba ya Ambuya muyaya.

Sumu 23:6 Iomraidhean Croise

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

2 ŴaKorinte 5:1

Chifukwa tiziŵa kuti asani nyumba yapa charu ya hema lidu yabwanganduka, uzengi wakutuliya kwaku Chiuta te nawo, nyumba yakuchitika ndi manja cha, yamuyaya, mu machanya.

ŴaFilipi 1:23

Kweni nde mu gangang'u pakugho ghaŵi. Linweka langu nda kuruta ndi kujariya pamoza ndi Kristu; chifukwa ichi nchamampha ukongwa kwakuruska:

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.