Sumu 21:9 - Tonga Bible 1986

⁹ Muŵachitenge nge ndi ng'anjo ya moto muchiwoneka imwe. Ambuya aŵamezenge mu ukari wawo; ndipo moto uŵarghenge.

Sumu 21:9 Iomraidhean Croise

Chiyambo 19:28

Ndipo wangulereska pasi kuratana ndi Sodomu ndi Gomora ndi kuratana ndi charu chose cha dambo lo, ndipo awonani, ehe, usi ku charu cho ungukwere kuchanya ulaka ndi usi wa ng'anjo.

Ezra 6:12

Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

Jobu 6:3

Pakuti mphanyi vyazita kuruska mchenga wapa nyanja; chifukwa ichi mazu ghangu ghaneneka ruŵiruŵi.

Sumu 106:17

Viyo charu chingujurika ndi kumeza Datani, chinguwundiya Abiramu ndi mbumba yake;

Sumu 18:38

Ndinguŵarasa porotu, mwakuti kuti ŵanguyuka so cha; ŵanguwa mu marundi ghangu.

Sumu 18:8

Mungutuwa usi mu mphunu zake, ndipo moto wakupirizga ungutuwa mu mlomo wake; maka gha moto ghalilimanga kutuwa kwaku iyo.

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

Sumu 2:5

Penipo akakambanga nawo mu kandundu kawo ndi aŵatenthemeskenge mu ukari wawo, kuti,

Sumu 50:3

Chiuta widu watuza, kuti waja chisisi cha, moto wakunyekeska we paurongo pake, wazingirizgika ndi lirondo la nthazi.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Mateyu 13:42

ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu.

Mateyu 13:50

ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.

Mateyu 22:7

Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Mateyu 3:10

Ndipo sono nako mbavi yajikika ku nkhorozu za miti, chimuti chose chakureka kupasa vipasi vyeneko chitemeka ndipo chipong'eka mu moto.

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Marangu 32:22

Pakuti moto wakozgeka ndi ukari wangu ndipo unyeka kufika pa ndimba ya muunda, ubwanganduwa charu chapasi ndi vya uzali wake, ndipo utocha viwanga vya mapiri.

1 ŴaTesalonika 2:16

pakuti ŵatitikanizga kuŵakambiya ŵaMtundu kuti ŵataskike. Nyengo yose iyi ŵatakatakanga kuti ŵazaze mweso wa maulakwi ghawo. Ndipo sono ukari waku Chiuta wafikiya paku iwo.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.