Sumu 20:7 - Tonga Bible 1986

⁷ Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

Sumu 20:7 Iomraidhean Croise

2 Samuele 10:18

ŴaSiriya ŵanguthaŵa pa maso pa ŵaYisraele; ndipo Davidi wangubaya ŵaSiriya ŵapa magareta machumi pe chumi ghankhonde ndi ghaŵi (700), ŵapa kavalo vikwi machumi ghanayi (40,000) wangumlasa Shobaka nduna yankhondo yawo, mwakuti wangufwiya penipa.

2 Samuele 8:4

Ndipo Davidi wangukwamphuwa ŵanthu ŵa pakavalo, chikwi ndi machumi pe chumi ghankhonde ndi ghaŵi (1,700) ndi ŵankhondo ŵakwenda pasi vikwi machumi ghaŵi (20,000); ndipo Davidi wangufyo ŵakavalo wose ŵamagareta, kweni wangusiyapo ŵakwenere pa magareta machumu pe chumi (100).

2 Mikoka 13:16

Ndipo ŵaYisraele ŵanguthaŵa paurongo paku Yuda, Chiuta wanguŵapereka mu manja ghawo.

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

Jobu 39:11

Kumbi ukathamiyanga iyo chifukwa nthazi zake zikuru, ndi kureke mu manja ghake mlimu wako?

Sumu 28:8

Ambuya ndi nthazi ya ŵanthu ŵawo nchakudingang'amo cha utaksi ku wakupakika wawo.

Sumu 45:17

Ndichitenge kuti zina lako likumbukikenge mu migonezi yose; chifukwa ichi mitundu yitumbikenge iwe muyaya ndi muyaya.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

Yesaya 30:16

Ndipo kuti munguŵa navyo cha, kweni mungukamba kuti, “Awa, tikakankhamikanga pa ŵakavalo,” chifukwa cho mukakankhamikanga kuruta; ndipo, “Tikakweranga pa ŵakavalo ŵapusu,” chifukwa cho ŵakukudikiskani ŵakapusumphanga.

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

1 Samuele 13:5

ŴaFilisti ŵanguwungana kuti ŵarwi nkhondo ndi ŵaYisraele magareta, vikwi machumi ghatatu (30,000) ŵanthu vikwi vinkhonde ndi chimoza (6,000) ŵakukwera pa ŵakavalo, ndipo ŵanthu ŵanguŵa nge ndi mchenga wapa likumba la nyanja mu unandi; ŵangukwera ndi kugoŵa mu Mikimasa ku vuma Bete-avene.

1 Samuele 2:10

Wakupindikana ndi Ambuya ŵakadumukanga tumana-tumana; ndipo akadiririskanga kuchanya pa kumikana nawo. Ambuya ŵeruzgenge vigoti vya charu chapasi; apaskenge nthazi ku karonga wawo, ndipo ŵasoskenge nthazi za wakupakika wawo.”