Sumu 20:4 - Tonga Bible 1986

⁴ Wakupaske nge nkhunkhumba kwa mtima wako, ndi kufiska fundu zako zose!

Sumu 20:4 Iomraidhean Croise

2 Samuele 24:23

Vyose ivi, karonga ndipereka kwinu”; ndipo Arauna wangunena ndi karonga, “Ambuya Chiuta winu wamurondiyeni imwe.”

2 Mikoka 9:12

Ndipo karonga Solomoni wangupaska fumukazi yaku Sheba vyose vyo wangukhumba, chose cho wanguromba kwambura kuŵerengiyako vyo iyo wanguza navyo ku karonga. Viyo wanguwere ku charu chake.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 21:2

Imwe mwamupaska linweka la mtima wake, ndipo pemphu la milomo yake kuti mwamunora cha.

Sumu 37:4

Kankhaŵiya mu Ambuya, ndipo akakupaskanga cho mtima wako unweka.

Nthanthi 11:23

Kunweka kwamurunji kumaliya mu umampha pe, gomezgu la wa mphurupuru mu ukari.

Mateyu 21:22

Ndipo vyose vyo mungapempha mu kuromba ŵakuvwana murondenge.”

Yohane 11:42

Ine ndaziŵanga kuti nyengo zose mutindivwa: kweni pa chifwa cha mzinda wo wama pano ndikamba, alinga kuti ŵavwane kuti imwe mukundituma.”

Yohane 16:23

Ndipo mu zuŵa liya kuti mundifumbenge kanthu cha. Nadi ndikuneneskiyani, asani mwazampempha Ada kanthu, mu zina langu wazamkukupaskani.

Ŵeruzgi 13:23

Kweni muwoli wake wanguti kwaku iyo, “Asani Ambuya ang'anamuwanga kutibaya, mphanyi kuti anguronde chisopochakocha ndi mpasku wa ufwa wa manja ghidu cha, chingana nkhutirongo vinthu ivi vyose, pamwenga kutitauliya vinthu vya viyo nge ndi ivi.”

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’