Sumu 18:3 - Tonga Bible 1986

³ Ndidana ku Ambuya, wo mbakwenere kurumbika, ine ndikutaskika ku ŵarwani ŵangu.

Sumu 18:3 Iomraidhean Croise

2 Samuele 22:4

Ndidana ku Ambuya, yo ngwakwenere kurumbika, ndipo ndataskika ku ŵarwani ŵangu.

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

Sumu 144:1

Atumbikike Ambuya, jarawi langu wo atindisambizga kurwa nkhondo, ndi minwe yangu kupota homwa.

Sumu 145:3

Mbakuru Ambuya, ndipo mbakwenere kurumbika ukongwa; ukuru wawo ngwambura kupenjeka.

Sumu 3:4

Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.

Sumu 31:4

Mundisowo mu chirepa cho chabisika, chifukwa ndimwe chakudingang'omo changu.

Sumu 48:1

Ndi mukuru Mbuyafwe ndi wakwenere kurumbikadi mu msumba waku Chiuta widu!

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 55:16

Kweni ine ndidana kwaku Chiuta; Ambuya anditaskenge.

Sumu 62:3

Mpaka zuŵanji mose imwe muyukiyenge pa munthu ndi kumufyo, nge nchimati chakulandara, nge ndi lisitu lakupasuka?

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

Sumu 71:3

Mundiŵiye chitanthali chakundivikiriya, linga lakukho, kunditaska, ndimwe chakudingang'amo ndi chipozomosko changu.

Sumu 76:4

Wa ukweru ndimwe, A Chiuta! Nawo mbunkhankhu wendi imwe, muchiwe kutuliya ku mapiri, kweniko munguthereska ŵamawongo ŵinu!

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 91:2

wakambenge ku Ambuya, “Ndimwe chakudingang'amo changu ndi linga langu; Chiuta wangu, mwaku mweniyo ndigomekezga.”

Sumu 96:4

Pakuti ndi mura Mbuyafwe, ndipo ngwakwenere kurumbikadi; watenere kopeka ukongwa kwakuruska ŵachiuta wose.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Luka 1:71

utaski ku ŵarwani ŵidu, ndi ku janja laku wose ŵakutitinkha;

Machitidu gha Ŵakutumika 2:21

ndipo kukaŵanga kuti yose yo wangadana zina la Mbuya, wakataskikanga.’

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”