Sumu 17:3 - Tonga Bible 1986

³ Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Sumu 17:3 Iomraidhean Croise

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

Jobu 24:14

Wakubaya wayuka ndi usiku kuti wabaye ŵakavu ndi ŵasauchi, mu usiku watuŵa nge ndi munkhungu.

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Sumu 119:106

Ndarapa rapu ndipo ndalikhozga, kuvwiya virunguchizgu vinu virunji.

Sumu 139:1

Ambuya, mwandipima, ndipo mwandithoŵa.

Sumu 139:23

Ndipenjeni, A Chiuta, ndi ziŵani mtima wangu; ndeseni, ndipo bowozgani maghanaghanu ghangu.

Sumu 16:7

Nditumbika Ambuya wo atindipaska fundu; mu usiku njuŵi zangu zitindisambizga.

Sumu 26:2

Ambuya mwe, mundisande, mundese; yesani mtima wangu ndi vinjeru vyangu.

Sumu 39:1

Ndinguti, “Ndikaphwerenga nthowa zangu, mwakuti ndireke kwananga ndi lilime langu; ndimangenge mlomo wangu ndi chakumangiya, penipo pose ŵaheni ŵe pamaso pangu.”

Sumu 66:10

Imwe mwatiŵika pa mweso, A Chiuta; mo siliva watengulikiya ndi moto ndimo imwe namwe mwatese.

Sumu 7:4

asani ndamuwezge uheni mwanasi wangu, pamwenga kuphanga vya murwani wangu kwambura kafukwa,

Nthanthi 13:3

Yo wavikiriya mlomo wake wasungirizga umoyo; yo wajura kwakuyasama milomo yake watuza ku pharghaniku.

Yeremiya 12:3

Kweni imwe, Ambuya mwe, mutindiziŵa; mutindiwona, ndipo mutesa mzimu wangu paku imwe. Waguguziyeni kubwalo uli ndi mberere zakuya kukubayika, ndipo muŵapatuliye zuŵa la kubayika.

Yeremiya 50:20

Mu mazuŵa gho ndi mu nyengo yiya, atiti Ambuya, utimbanizi waku Yisraele ukapenjekanga, ndipo kuti ukaŵangapo cha nanga ngumoza; uheni mwaku Yuda, kuti ukasanirikanga cha nanga ngumoza; pakuti ndikagowokiyanga wo ndikasiyanga kuŵa ŵakujapo.

Hoseya 7:6

Mitima yawo yitocha nge ndi ng'anjo ukari wawo ukole usiku wose, ndi mlenji unyeka nge ndi moto wakulipuka.

Mika 2:1

Owe kwaku wo ŵaghanaghana ubendezi ndi kuchita uheni pa ŵagonapa vita vyawo! Kuchicha ndi mlenji ŵatuwuchita chifukwa we munthazi za janja lawo.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Malaki 3:2

Kweni ndiyani yo wangazizipizga zuŵa lake lakuziya, ndipo ndiyani wangama pa wawoneka? “Chifukwa wenge ndi moto wa wakwenga, ndi nge ndi sopo wa wakuchapa;

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 16:9

Ndipo chiwona chinguwoneka kwaku Paulo ndi usiku; munthurumi yumoza waku Makedonia wamanga, ndi wamuŵeyerenga, wakuti, “Yambukiya kuno ku Makedonia, ndi mutovye.”

1 ŴaKorinte 4:4

Pakuti ndirive kukaziŵa kanthu kapaku ndamweni cha; ndikweni nako kuti ndirunjiskikiya mwaku chenichi cha: yo ngwakunderuzga ndi Mbuya.

2 ŴaKorinte 1:12

Chifukwa chitumbwa chidu nchenichi, chisimisimi icho cha njuŵi zidu, kuti mu charu ukongwako mwaku imwe tajijariya mu ukhovu ndi uneneska waku Chiuta, mu zeru ya ŵanthu cha, kweni mu wezi waku Chiuta.

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

1 Samuele 24:10

Alereni, zuŵa lino maso ghinu ghawona mo Ambuya amperekiyani mu janja langu mu mphanji ŵanyake ŵatinge ndimubayeni, kweni ine ndamurekani. Ndakamba kuti, ‘Kuti ndiŵikenge janja langu kumikana ndi mbuyangu cha, chifukwa ngwakupakika wa Ambuya.’

1 Samuele 24:12

Ambuya ŵeruzge pakati paku ine ndi imwe, Ambuya ndiwo awezge thayu paku imwe kweni janja langu kuti limikanenge namwe cha.

1 Samuele 26:11

Ambuya akana kuti ndisoske janja langu pa wakupakika wa Ambuya; kweni iwe uto mkondo wo we kumutu, ndi msuku wa maji, tirutenge.”

1 Samuele 26:23

Ambuya awerezgiyepo pa munthu yose chifukwa cha umampha wake ndi chigomezgu chake; pakuti Ambuya angumpaskani mu janja langu zuŵa linu, ndipo kuti ndingukhumba kunyoroske janja langu pa wakupakika waAmbuya cha.