Sumu 16:5 - Tonga Bible 1986

⁵ Imwe Ambuya, nchigaŵa changu chakusankhika, mutindipaska chose cho ndikhumba; umoyo wangu we mu manja ghinu.

Sumu 16:5 Iomraidhean Croise

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Sumu 116:13

Jomera la utaski nditonge, ndipo zina la Ambuya ndidanenge.

Sumu 119:57

Ndimwe pe ndikhumba, Ambuya; ndipangana kuvwiya marangu ghinu.

Sumu 125:3

Chifukwa ndodo ya ŵaheni kuti yikausanga pa charu chakugaŵikiya ŵarunji cha, vinu ŵakurunjika wo ŵangatambaluriya manja ghawo ku kuchita uheni.

Sumu 132:11

Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

Sumu 2:6

“Ndamika karonga wangu pa Zioni, phiri langu lakupaturika.”

Sumu 23:5

Murongoso gome paurongo pangu, mu maso gha ŵarwani ŵangu; mutu wangu mwawupaka ndi mafuta, chandi chanu chifuza.

Sumu 73:26

Mtima wangu ndi liŵavu langu vingagongowa, kweni Chiuta ndi nthazi yangu; ndiyo pe yo ndikhumba muyaya!

Sumu 89:4

“Wa mphapu yako ndiyo wakaŵanga karonga muyaya; ndikasunganga ufumu wako ku migonezi yose.”

Sumu 9:4

Pakuti imwe mungukhozga urunji wa mlando wangu; munguja pa chitengo kupereka cheruzgu chakurunjika.

Yesaya 42:1

Ehe, muŵanda wangu mweniyo ndisoska, wakusankhika wangu, mwaku yo mzimu wangu ukondwere; ndaŵika Mzimu wangu paku iyo, wakarongonga cheruzgu chirunji ku mitundu.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Yeremiya 10:16

Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

Chitenje 3:24

Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”

Machitidu gha Ŵakutumika 2:32

Yesu mwenuyu Chiuta wanguyuska, waku chenicho tose te ŵakaboni.

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

1 ŴaKorinte 15:25

Chifukwa kutenere iyo kuwusa, mpaka penipo waŵika ŵamawongu wose kusi ku marwayo ghake.

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

Marangu 18:2

Kuti ŵakaŵanga ndi chihara cha mukati mu ŵabali ŵawo, Ambuya ndiwo chihara chawo, uli ndimo angupanganirana nawo.

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

Yoswa 22:25

Pakuti Ambuya akuchita Yordane kuŵa mphaka pakati paku ifwe ndi imwe, imwe ŵina Rubene, ndi ŵina Gadi; mulivi chigaŵa mu Ambuya.’ Viyo ŵana ŵinu vinu ŵazamukanizga ŵana ŵidu kusopa Ambuya.

Yoswa 22:27

kweni kuti liŵe kaboni pakati paku ifwe ndi imwe; ndi pakati pa migonezi yo yituza pavuli pidu, kuti ifwe tichita uteŵeti wa Ambuya mu maso ghake ndi mipasku yidu yakocha ndi zisembe ndi mipasku ya chimangu; vinu ŵana ŵinu ŵazamukamba ndiŵana ŵidu mu nyengo yo yituza, “Imwe mulivi chigaŵa mu Ambuya.” ’