Sumu 16:1 - Tonga Bible 1986

¹ Ndisungeni, A Chiuta, chifukwa ndidingang'a mwaku imwe.

Sumu 16:1 Iomraidhean Croise

Sumu 116:6

Ambuya avikiriya akusauka; po ndenga mu urwani, angundipozomoska.

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

Sumu 146:5

Wa mwaŵi ndi munthu mweniyo chovyo chake che mwaku Chiuta waku Yakobe, wakuthamiya mu Ambuya Chiuta wake.

Sumu 17:5

Menderu ghakukho mu nthowa zinu; marundi ghangu kuti ghateremuka cha.

Sumu 17:8

Ndisungeni nge nkhana ka jisu; mundibise mu mduzi wa mapapiku ghinu,

Sumu 22:8

Ŵatiti, “Wathamiya Ambuya; rekani amupozomoske; amutaske, pakuti akondwere mwaku iyo!”

Sumu 25:20

O! Vikiriyani umoyo wangu, ndipozomoskeni; ndireke kuchitika soni, chifukwa ndidingang'a mwaku imwe.

Sumu 31:23

Mwanjeni Chiuta, mose mwa ŵatuŵa ŵake! Ambuya asunga wakugomezgeka, kweni atimuwerezgiyapo kwakuzara yose wakuchita kwakujikuzga.

Sumu 37:28

Chifukwa Ambuya atanja cheruzgu, kuti akasiyanga ŵatuŵa ŵawo cha. Ŵakurunjika ŵakasungirizgikanga muyaya, kweni ŵana ŵa ŵaheni ŵakadumulikanga.

Sumu 56:1

Ndichitiyeni wezi, A Chiuta, chifukwa zuŵa lose ŵakurwana nane ŵandifinyikizga;

Sumu 60:1

A Chiuta mwatijowo, mwafyo vivekeru vidu; mwakaripa; tiwerezgenimo.

Sumu 7:1

Ambuya Chiuta wangu, mwaku imwe ndidingang'a; nditaskeni kwaku wose ŵakundindondoroska, ndipo ndipozomoskeni,

Sumu 7:2

vinu ŵangandiparuwa nge ndi nkharamu, kundiparuwa, kwambura wakundipozomoska.

Sumu 84:12

Ambuya ŵa maŵanja, wakutumbikika ndi munthu yo wagomekezga mwaku imwe!

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Sumu 97:10

Ambuya atanja ŵakutinkha uheni: avikiriya maumoyo gha ŵanthu ŵawo, atiŵataska ku nthazi ya ŵaheni.

Nthanthi 2:8

ŵakuvikiriya nthowa za cheruzgu ndi kusungirizga nthowa ya ŵatuŵa ŵawo.

2 ŴaKorinte 1:9

Inya, tingufikapo mtima kuti nadi tatemeke ku nyifwa. Ichi chingutiŵiya alinga kuti tireke kugomekezga mwaku taŵeni, kweni mwaku Chiuta mwaniyo wayuska ŵakufwa;

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.