Sumu 15:2 - Tonga Bible 1986

² Wakwenda kwambura kalema, ndi wakuchita cho mburunji, wakurongoro uneneska mu mtima wake;

Sumu 15:2 Iomraidhean Croise

Sumu 24:4

Yo wendi manja ghakuphotoka ndi mtima wakutowa, yo kuti wayinuskiya ku utesi mzimu wake cha; ndipo kuti warapa kwakupusika cha.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Nthanthi 20:7

Munthu murunji mweniyo watenda mu uneneska wake, mbakutumbikika ŵana ŵake pavuli pake!

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Yesaya 63:8

Pakuti anguti, Kwakuneneska mbanthu ŵangu, ŵana wo kuti ŵakachitanga kwakupusika cha; ndipo iyo wanguŵa Mtaski wawo.

Mika 2:7

Kumbi ichi chitenere kukambika, imwe mwa nyumba yaku Yakobe? Kumbi kuti mzimu wa Ambuya ngwa kuzika cha? Kumbi iyi ndiyo milimu yake? Kumbi mazu ghangu kuti ghachita umampha cha kwaku yo watenda kwakurunjika?

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Machitidu gha Ŵakutumika 10:35

kweni mu mtundu wose yo watumopa ndi watataliya urunji ngwamarondeka kwaku iyo.

ŴaRoma 2:10

Kweni unkhankhu ndi rumbu ndi chimangu kwaku yose yo ngwakuchita umampha, ku muYuda danga ndi so ku muGriki:

ŴaGalatia 2:14

Kweni penipo ndinguona kuti ŵengavi kurunjika kuchiri ku uneneska wo wa evangeli, ndingunena ndi Kefa paurongo paku wose, “Asani iwe, pakuŵa muYuda ujariya ulaka mbaMitundu, ndi nge mbaYuda cha, ukakamizga uli ŵaMitundu kuti ŵaŵi ŵaYuda?”

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaKolose 3:9

Mungateterananga cha; pakuti mwazuwa munthu wakali pamoza ndi machitidu ghake,

ŴaHebere 11:33

Weniwo mu chivwanu ŵangugoda maufumu, ŵanguchita urunji, ŵangufikapo pa mapanganu, ŵangujara milomo ya zinkharamu,

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

1 Yohane 2:6

yo watiti waja mwaku iyo, nayo so watenere kwenda, uli ndimo wangwende Yuwa.

1 Yohane 3:7

Mwatwana twangu, munthu wangamrandizgani kose cha: yo ngwakuchita urunji ndi murunji uli ndimo waliri murunji Yuwa.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”