Sumu 146:8 - Tonga Bible 1986

⁸ Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

Sumu 146:8 Iomraidhean Croise

Sumu 11:7

Chifukwa mbakurunjika Ambuya, atanja nchitu zakurunjika; ŵakunyoroka ndiwo ŵawonenge chisku chawo.

Sumu 145:14

Ambuya avikiriya wose wo watuwa, akwezga wose ŵakuyuyulika.

Sumu 147:6

Akwezga akujiyuyuwa, kweni asiskiya pasi ŵaheni.

Yesaya 35:5

Sono maso gha ŵachiburumutiya ghakabanukanga, ndi makutu gha ŵamgota kuti ghagotenge cha,

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Yesaya 42:18

Avwani, imwe mwamugota; lereskani, imwe mwachiburumutiya, kuti muwone!

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Mateyu 9:30

Ndipo ghangujurika maso ghawo. Ndipo wanguŵachenjezga Yesu, wakuti, “Alereni kuti wangachiziŵa ichi yumoza cha.”

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

2 ŴaKorinte 7:6

Kweni Chiuta, mweniyo wasangaruska ŵakujiyuyuwa, wangutisangaruska chifukwa cha kuza kwaku Tito;

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;