Sumu 146:3 - Tonga Bible 1986

³ Rekani kugomekezga mu ŵarongozgi ŵa ŵanthu, pamwenga mu mwana wa munthu yo mwake mulivi chovyo.

Sumu 146:3 Iomraidhean Croise

2 ŴaKaronga 6:27

Ndipo iyo wanguti, “Asani Ambuya alivi kukovya ine ndikovyenge ndi chine? Kutuliya ku mbuli wa mbuto pamwenga kutuliya ku chakupondiyamo mphereska?”

2 Mikoka 16:7

Pa nyengo yo wanguza Hamani muwona kwaku Asa karonga waku Yuda, wanguti, “Chifukwa wagomekezga fumu yaku Siriya, ulivi kugomezga Ambuya Chiuta wako, pa chifukwa ichi nkhondo ya fumu ya Siriya murwani wako yapozomoka mu janja lako.

Sumu 108:12

Tovyeni kurwana ndi wakupindikana, pakuti chovyo cha munthu nchawaka!

Sumu 60:11

Tipaskeni chovyo pa ŵakupindikana ŵidu, pakuti kovya kwa munthu kuti nkhanthu cha!

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Yesaya 2:22

Tuwako ku munthu mweniyo mumphunu zake mwe mvuchi, pakuti iyo njani nayo?

Yesaya 22:25

Mu zuŵa liya, atiti Ambuya ŵa maŵanja, chichiri cho chingujinthika mu malo gheneko chikajinthukanga; chikadumulikanga ndi kuwa, ndipo uzitu wo wenga paku cho ukadumulikanga, pakuti Ambuya ndiwo akamba.”

Yesaya 31:3

ŴaEgipiti mbanthu, kuti ndi Chiuta cha; ndipo ŵakavalo ŵawo ndi nyama, kuti ndi mzimu cha. Penipo Ambuya atambaruwa janja lawo, wakovya wakaguŵanga, ndipo wakovyeka yo wakawanga, ndipo wose ŵamariyenge pamoza.

Yesaya 37:6

Yesaya wanguti kwaku wo, “Mukakambe ku mbuyamwe, ‘Ambuya atiti, Ungopanga cha chifukwa cha mazu gho wavwa, ghenigho ŵateŵeti ŵa karonga wa Asiriya wandilambwaza nagho.