Sumu 136:6 - Tonga Bible 1986

⁶ wakuzenga charu pa ndimba ya maji, chifukwa nchamuyaya chifundu chake;

Sumu 136:6 Iomraidhean Croise

Chiyambo 1:9

Ndipo Chiuta wanguti, “Maji gha pasi pa mtambo ghaunjikike pamoza mu malo ghamoza, kuti uwoneke mtunda uyumu.” Ndipo kunguŵa viyo.

Jobu 26:7

Watambasuwa ku nkhonde pachanya pa malo ghambura kanthu, ndi waning'ina charu pa waka.

Jobu 37:18

Kumbi imwe mungaziŵa kutandika mitambo nge ndimo iyo wachitiya; yakuti gwa nge ndi kayilore wakuwumbika?

Sumu 24:2

chifukwa iyo wakuchijarika pa zinyanja, ndi kuchimiska pa misinji.

Yesaya 40:22

Ndi mweniyo waja pachanya pa nkhata ya charu chapasi, ndipo ŵakujamo ŵake ŵe nge mba phanana; mweniyo watambaluwa machanya nge nchivwinkhu, ndipo watighatandika uli ndi hema la kujamo;

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Yesaya 44:24

Viyo ndimu atiti Ambuya, Muwombozi winu, yo wangumuumbani kutuwa ku chibali: “Ndine Ambuya, mweniyo wangulenga vinthu vyose, yo yija pe wangutambaruwa machanya, yo wangutandika charu chapasi yo wenga nani pamoza njani?

Yeremiya 10:12

Iyo ndiyo wangulenga charu ndi nthazi yake, mweniyo wakujarika charu mu vinjeru vyeke, ndipo ndi kuwamo kwake wangutambaruwa machanya.

Zekariya 12:1

Mazu gha Ambuya ghakunena Yisraele: Viyo atiti Ambuya, wo akutandika machanya ndi kuŵika chiŵanja cha charu chapasi, ndipo angulenga mzimu mukati mwa munthu: