Sumu 133:3 - Tonga Bible 1986

³ Kwe nge ndi dungwi laku Hermoni, lakuwiya pa mapiri ghaku Zioni. Chifukwa kwenikuwa ndiko Ambuya akupangana chitumbiku chawo, umoyo wambura kumara.

Sumu 133:3 Iomraidhean Croise

Marangu 28:8

Ambuya akalangulanga chitumbiku paku imwe munkhokwe zinu ndi mwaku vyose vyo muchita, ndipo, akamutumbikaninga mu charu cho Ambuya Chiuta winu watumupaskani.

Sumu 42:8

Ndi msana Ambuya alanguliya chifundu chawo; ndipo ndi usiku sumu yawo ye paku ine, rombu kwaku Chiuta wa umoyo wangu.

ŴaLevi 25:21

Ndikalangulanga kuti mutumbikike mu chirimika cha chinkhonde ndi chimoza, viyo kuti mukavunanga vipasi vya virimika vitatu.

Marangu 4:48

kwamba ku Aroere yo we mumpheoete mwa dambo la Arnoni kwachifika ku phiri Sirioni (lo ndi Hermoni)

1 Yohane 5:11

Ndipo chenichi nchisimisimi cho, chakuti Chiuta wakutipaska umoyo wamuyaya, ndipo umoyo wenuwu wemu Mwana wake.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

Yohane 6:68

Simoni Petro wangumwamuka, “Ambuya, tikayanga kwaku yani? Imwe mwe nagho mazu gha umoyo wamuyaya.

Yohane 5:29

Ndipo ŵakatuwangamu; wo mbakuchita umampha ku chiyuka cha umoyo; kweni wo mbakuchita viheni kuchiyuka cha chisusa.

Yoswa 13:11

ndi Gileada, ndi chigaŵa cha ŵina Geshuru ndi Makata, ndi phiri lose la Hermoni, Bashani yose mpaka ku Saleka;

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Sumu 21:5

Unkhankhu wake ngukuru chifukwa cha chovyo chinu; ulemu ndi ukuru mukuvwarika paku iyo.