Sumu 13:2 - Tonga Bible 1986

² Mpaka zuŵanji ndivwenge kuŵaŵa mu mzimu, ndi kuŵa wa chitima mu mtima zuŵa lose? Mpaka zuŵanji wakwezgekenge pachanya pangu wakupindikana wangu?

Sumu 13:2 Iomraidhean Croise

Nehemiya 2:2

Ndipo karonga wanguti kwangu, “Chifukwa chine chisku chako chazimbwa pakuti ulivi kutama? Aka kuti nkhanthu kanyake cha kweni nchisungu cha mtima.” Sono ndingofyerwa ukongwa.

Estere 7:6

Estere wanguti, “Chimphindikwa ndi murwani, ndi uyu Hamani muheni!” Ndipo Hamani wangutenthema ukongwa paurongo pa karonga ndi fumukazi.

Jobu 10:15

Asani nde mulakwi, owe ine! Asani ndi murunji, ndingayunuska mutu wangu cha pakuti ndazazika ndi soni, ndipo ndilereska visuzgu vyangu.

Sumu 10:18

mwakuti mweruzgi umampha muranda ndi wakuphwatikiya pasi. Ndikuti munthu wa charu chapasi wareke kuŵa so wakofya.

Sumu 116:3

Yingudizinga mikoŵa ya nyifwa, maurwirwi gha muunda ghangundikwetere; ndinguzazika mantha ndi chitima.

Sumu 17:9

ku ŵaheni wo ŵatindinanga, ŵarwani ŵa umoyo wangu wo ŵatindizingirizga.

Sumu 31:18

Milomo ya utesi yichetamiskike, yo yikambiya phuzu pa ŵarunji mu kujikuzga ndi mu kuyeya.

Sumu 38:17

Pakuti ndi pafupo limu kuwa, ndipo urwirwi wangu we nane nyengo yose.

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

Sumu 6:4

Weni, Ambuya, taskani umoyo wangu; nditaskeni chifukwa cha chanju chinu chikuru.

Sumu 7:2

vinu ŵangandiparuwa nge ndi nkharamu, kundiparuwa, kwambura wakundipozomoska.

Sumu 74:10

Mpaka zuŵanji, A Chiuta, ŵarwani ŵidu ŵakatiweranga? Kumbi ŵakatukanga zina linu muyaya?

Sumu 74:18

Kweni kumbukani ichi. Ambuya mwe, kuti ŵarwani ŵanu ŵawera imwe, ndipo ŵanthu ŵaphuzu ŵatuka zina linu.

Sumu 8:2

Utamulika mu milomo ya malitema ndi ŵakonkha, imwe mwakhozga linga chifukwa chaŵakupindikana ŵinu, kuti murekeske ŵamawongo ndi ŵakutaya thayu.

Sumu 9:6

Ŵarwani ŵamara tetete, ŵaŵa mapopa muyaya; misumba yawo mwazuwa; ndipo chikumbusku chawo chamariya limu.

Nthanthi 15:13

Mtima wakukondwa usangaruska chisku, kweni chifukwa cha chitima mu mtima mzimu usweka.

Wakutaula 5:17

ndi kumara mazuŵa ghake ghose mu mdima ndi chitima, mu visuzgu vinandi ndi matenda ndi kukweŵeskeka?

Yeremiya 15:18

Chifukwa chine kuŵaŵa kwangu kureka kumara, bala langu ndambura mapoleka likana kupo? Kumbi mukandiŵiyanga ine nge nkhamsinji kakupusika, nge ndi maji ghenigho ghatondeka?

Yeremiya 45:3

Ungukamba kuti, ‘Owe ine! Pakuti Ambuya akuskiyako chitima ku kuŵaŵa kwangu; ndavuka ndi kutamantha kwangu, ndipo kuti ndisaniya chipumulu cha.’

Yeremiya 8:18

Chitima changu nchambura kuchizgika, mtima ngwakutama mukati mwangu.

Chitenje 1:5

Ŵakupindikana ŵake ŵasanduka ŵarongozgi, ŵarwani ŵake ŵasakata, chifukwa Ambuya atumukomweska pa unandi wa mautimbanizi ghake; ŵana ŵake ŵakuruta, mbaŵanda paurongo pa ŵakupindikana ŵawo.

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chitenje 5:20

Chifukwa chine mutitiruwa muyaya, chifukwa chine mwatijowo nyengo yitali?

Mateyu 26:38

Sono wanguti kwaku wo, “Mzimu wangu ngwalisungu ukongwa mpaka ku nyifwa; tandarani panu, cherezgani pamoza nane.”

Luka 22:53

Ndenga ndeche pamoza namwe zuŵa ndi zuŵa mu kasopi yo, kuti mungutambaruliya manja pangu cha; kweni lenili ndi ora linu, ndi mtufu wa mdima.”

Yohane 16:6

Kweni sono pakuti ndakukambiyani vyenivi, chisungu chazaza mtima winu.

ŴaRoma 9:2

kuti nde nacho chitima chikuru ndi urwirwi wambura kulekezga mu mtima wangu.

ŴaFilipi 2:27

Inya watamanga nadi, pafupi nyifwa: kweni Chiuta wamuchitiya lisungu, ndipo iyo pe so cha, kweni ine nane so, alinga kuti ndireke kuŵa ndi chisungu pachanya pa chisungu.

1 Samuele 18:29

mantha ghake ghangukuwa mbwenu paku Davidi. Chifukwa ichi Sauli wangurutiliya kuŵa murwani waku Davidi.

1 Samuele 24:19

Chifukwa asani munthu wasaniya murwani wake, kumbi wangamusiya waka kuti warutenge? Ambuya akupaske mphoto yamampha pa chifukwa chaku vyo wandichitiya msana wale.