Sumu 12:5 - Tonga Bible 1986

⁵ “Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Sumu 12:5 Iomraidhean Croise

Jobu 5:15

Kweni wataska wo mbambura auskeu ku mlomo wawo, ndi ŵasauchi, ku janja la wanthazi.

Jobu 5:21

Ukabisikanga pakupumika kwa lulime ndipo kuti ukawopanga cha pharghang'iko pa lituza.

Sumu 10:12

Sokani, Ambuya; Chiuta mwe, soskani janja linu; mungaruwa wakusuzgika.

Sumu 10:18

mwakuti mweruzgi umampha muranda ndi wakuphwatikiya pasi. Ndikuti munthu wa charu chapasi wareke kuŵa so wakofya.

Sumu 10:5

Nyengo zose nthowa zake zisakata; vyeruzgu vinu vye pachanya, patali ndi iyo; ŵarwani ŵake wose, wati ŵanyoza.

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Sumu 34:6

Musauchi uyu wangubongo, ndipo Ambuya angumuvwa, angumtaska mu visuzgu vyake vyose.

Sumu 73:8

Ŵawera ŵanyawo ndi kukamba vya ubereŵeza; mbakujikuzga ndipo ŵarongoro ghakukandirizga ŵanyawo.

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Nthanthi 14:31

Mweniyo wasauska munthu wakusauka watuka Mulengi wake, kweni mweniyo ngwawezi ku wakusauka watimutumbika.

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Wakutaula 5:8

Asani uwona kunyekezgeka kwa ŵakusawuka ndi kurandizgika kwa cheruzgu ndi urunji mwa chiwawa pa chigaŵa chinyake cha charu ungazizwanga paku ichi cha; pakuti wamazaza yo walereskeka ndi wamazaza wakuruska iyo, ndipo so walipo wamazaza wakuruska iwo.

Yesaya 19:20

Chikaŵanga chiziŵisku ndi kaboni ku Ambuya ŵa maŵanja mu charu cha Egipiti, ŵachiliriya ku Ambuya chifukwa cha ŵakuyuzga aŵatumiyenge mpozomoski, ŵakaŵavikiriyanga ndi kuŵataska.

Yesaya 33:10

“Sono ndi kasokanga,” atiti Ambuya, “sono ndikajitumphuskanga; sono ndikakankhuskikanga.

Ezekiele 18:18

Kweni nge mbawiske, chifukwa chakusuzga kwa nkhaza, kuphanga vya mbali wawo, ndikuchita vyambura kwenere mukati mu ŵanyawo, awona, wakafwanga chifukwa cha mphurupuru zawo.

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Yakobe 5:4

Awonani, mphotu yo ya ŵanchitu ŵakuvuna minda yinu, yo yakoleka ndi imwe, yikuta: ndipo mibobotu ya ŵakuvuna wo yasere mu makutu gha Mweni-Maŵanja.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.