Sumu 12:3 - Tonga Bible 1986

³ Ambuya achekete milomo yose yauteremusi, lilime lo lirongoro vikuru vyakujikuzga,

Sumu 12:3 Iomraidhean Croise

Jobu 32:22

Chifukwa ndiziŵa cha kunyengere, asani ndachitanga viyo mphanyi Mlengi wangu wakundimarizga ruŵiruŵi.

Sumu 116:11

Inya, nanga ndi penipo ndenga wamantha, ndakambanga kuti, “Ŵanthu ŵalivi magomezgeka.”

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Sumu 17:10

Walivi lisungu mumitima yawo; ndipo ndi milomo yawo ŵakamba wakujikuzga.

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Chituwa 15:9

Wamawongo wanguti, ‘Ndikandondoloskanga, ndikaŵakonga, ndikagaŵanga vyakuskowa, khumbo langu likagutiskikanga ndi vyenivi, ndikawewepuwanga lipanga langu, janja langu likaŵamaranga.’

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

Nthanthi 26:24

Mweniyo watinkha wabisa ndi milomo yake ndipo wabisirizga kupusika mu mtima wake;

Yesaya 10:10

Nge ndimo janja langu lafikiya ku maufumu gha ŵangoza ŵeniwo ŵangoza ŵawo ŵakusongono ŵenga ŵakuruku ku ŵaku Yerusalemu ndi Samaria.

Yesaya 59:4

Palivi yumoza yo wasere pa mlandu mu uneneska palivi yo watiya ku dangu mu ukongorekwa; ŵayegeme pa mpandira uyumu, ŵarongoro mautesi, ŵazuwuka urwani, ndipo ŵapapa mphurupuru.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Yeremiya 9:8

Lilime lawo ndi muvwi wakubaya likamba kwakupusika; ndi mlomo munthu yose wakamba ku mwanasi wake gha chimangu, kweni mu mtima wake warongoso, kumukhazga.

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Ezekiele 28:9

Kumbi ukakambanga mbwenu kuti, ‘Ndine chiuta,’ mu maso gha ŵakukubaya wo, po iwe munthu ŵaka, kuti we chiuta cha, mu manja ghaku wo ŵatukupweteka?

Ezekiele 29:3

kamba, unene kuti, viyo atiti Ambuya Chiuta: Awona, ndimikana nawe, Farao karonga wa Egipiti, nchalinda mukuru yo wagona mukati mu misinji yake, yo watiti, ‘Nile wangu, ngwakundamweni; ndikumulenga ndine.’

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 7:8

Ndichighanaghana ndi masengwe, ndinguwona sengwe linyake limanalakutuwa mukati mwaku gho, panthazi paku lo masengwe ghatatu ghakudanga ghangubontholeka, ndipo ehe, mu sengwe ili mwenga maso ghakukozgana ndi maso gha munthu, ndi mlomo wakukamba vinthu vikuru.

Malaki 3:13

“Mazu ghinu ghaŵa ghazitu kwaku ine, atiti Ambuya. Ndipuuli mutiti, ‘Taŵereŵeta uli kumikana ndi imwe?’

2 Petro 2:18

Chifukwa pakukamba vya umbughuya, ŵanyengere mu maulakalaka gha liŵavu, mu mauyaya, ŵeniwo ŵafyanthamuka pamanavi ku ŵakujariya mu urandizgi;

Yuda 1:16

Ŵenaŵa mbakudinginika, ŵakudandauriya, ŵakwenda kwakuyana ndi maulakalaka ghawo (ndipo mlomu wawo urongoro viphweti), pakurumba visku pa chifwa cha chanduku.

Chivumbuzi 13:5

Ungupaskika ku chikoku cho mlomo wakurongoro vinthu vikuru ndi vyakutuka; chingupaskika mazaza kurongoro ivi kwamyezi machumi ghanayi ndi yiŵi.

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.