Sumu 112:10 - Tonga Bible 1986

¹⁰ Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

Sumu 112:10 Iomraidhean Croise

Nehemiya 2:10

Kweni penipo Sanbalata mwina Horono ndi Tobiya mteŵeti mwina Amoni, ŵanguti ŵavwa ichi, chinguŵakalipiska ukongwa kuti kwaza munthu yo wapukwa makani gha ŵana ŵaku Yisraele.

Jobu 20:7

ndipuuli wakamaranga nge ndi ulambwe wake; wo ŵatimuwona ŵakatinge, ‘Wepani?’

Jobu 8:13

Viyo ndimo ziliri nthowa zose zaku wo ŵareka kuziŵa Chiuta, chigomezgu cha munthu wambura kopa Chiuta chikamaranga.

Sumu 37:12

Muheni wachitiya chiŵembu wakurunjika, ndi kumukukutiya minyu ghake;

Sumu 86:17

Ndirongoni chisimikizgu cha umampha winu, Ambuya; mwakuti wose ŵakunditinkha ŵachiti soni, ŵachiwona kuti imwe mwandovya ndi kundisangaruska.

Nthanthi 10:28

Chigomezgu cha murunji chimaliya mu kukondwa, kweni cho wagomezga wamphurupuru chimaliya pa waka.

Nthanthi 11:7

Asani wamphurupuru wafwa, gomezgu lake liwala, ndipo gomezgu la ŵambura uchiuta ligota pawaka.

Mateyu 22:13

Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Mateyu 8:12

kweni ŵana ŵa ufumu ŵapong'ekenge ku mdima wakubwaro: kweniko kuŵenge chitenje ndi mkukutu wa minyu.”

Luka 13:28

Eko kuŵenge chilirizi ndi kukekechuwa kwa minyu, penipo mwamuwona Abrahamu, ndi Yisaki, ndi Yakobe, ndi ŵamchimi wose, mu ufumu waku Chiuta, kweni imwe kupong'eka kubwaro.