Sumu 102:14 - Tonga Bible 1986

¹⁴ Ŵateŵeti ŵinu ŵatumwanja chingana ngwakupasuka; ŵatimuchitiya lisungu, chingana wakubwanganduka.

Sumu 102:14 Iomraidhean Croise

Ezra 1:5

Ndipo ŵangusoka ŵaraŵara ŵa mafuku gha ŵaYuda, ndi ŵaBenjamini, ndi ŵazukuru ndi ŵaLevi, ndi wose wo ŵangurongozgeka ndi Chiuta kuruta kwachizenga so nyumba yaku Chiuta mu Yerusalemu.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Nehemiya 2:17

Pavuli ndinguti kwaku wo, “Muwona suzgo yo tilimu, mo Yerusalemu walili ngwakuphwanyika ndi malikomo ghake ghakufya. Zaninga tizenge linga la Yerusalemu, alinga tireke kuwereka ndi lilengu.”

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

Nehemiya 4:10

Kweni Yuda wanguti, “Kulimba kwa ŵakunyamuwa mphingu kutomboloka, ndipo pe viswaswa vinandi: kuti tingaziŵa kutata umampha pa linga ili cha.”

Nehemiya 4:2

Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Nehemiya 4:6

Viyo tinguzenga linga, ndipo linga lose lingugumanizgika kuŵa limoza kwachifika pa msinkhu wake wa pakatikati. Pakuti ŵanthu ŵenga waphamphu kuchita nchitu.

Sumu 119:126

Ambuya ndi nyengo yakuti muchiti nchitu, chifukwa dangu linu lasweka.

Sumu 79:1

A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Yesaya 14:1

Ambuya akaŵanga ndi chitima paku Yakobe ndipo akasankhanga so Yisraele, akaŵaŵikanga mu charu chawo ndi chawo, ŵalendo ŵakajisazganga kwaku wo, ŵakajibatikanga ku nyumba yaku Yakobe.

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

Yeremiya 29:10

“Pakuti Ambuya atiti: Penipo virimika machumi ghankhonde ndi ghaŵi (70) vya Babiloni vitakuti vyamara, ine ndikachezganga namwe, ndipo ndikafiskanga kwaku imwe phanganu langu ndi kukuwezgiyani ku malo yagha.

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Ruti 1:6

Sono wangusoka pamoza ndi ŵakumwana ŵake, kuweko ku charu cha Moabu pakuti ŵeche mu charu cha Moabu ŵanguvwa kuti Ambuya anguchitiya lisungu ŵanthu ŵawo ndi anguŵapaska kurgha.