Sumu 10:5 - Tonga Bible 1986

⁵ Nyengo zose nthowa zake zisakata; vyeruzgu vinu vye pachanya, patali ndi iyo; ŵarwani ŵake wose, wati ŵanyoza.

Sumu 10:5 Iomraidhean Croise

Chiyambo 6:12

Ndipo Chiuta wanguwona charu kuti chenga chakuwo; pakuti ŵamoyo wose ŵanguwozga nthowa zawo pa charu.

2 Samuele 5:6

Karonga ndi ŵanthu ŵake ŵanguruta ku Yerusalemu kwa chirwana ndi ŵaYebusi, ŵeneko ŵa charu wo ŵangunena ndi Davidi, kuti, “Ukaserenga munu cha, kweni ŵachiburumutiya ndi ŵakupunduka ŵakujarizgiyenge kubwaro,” kughanaghana kuti, “Davidi wangasere munu cha.”

1 ŴaKaronga 20:13

Ndipo ehe, mchimi wanguza kwaku Ahabu karonga wa ŵaYisraele, wanguti, “Viyo atiti Ambuya, ‘Kumbi wachiwona chimzinda chose ichi? Awona, ndichiperekenge mu janja lako msana wale, ndipo ukaziŵanga kuti ine ndine Ambuya.’ ”

Jobu 24:23

Watuŵapaska chimangu ndipo ŵakhozgeka, maso ghake ghe pa nthowa zawo.

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Sumu 73:3

Chifukwa ndinguchita sanji ndi ŵakujikuzga, po ndinguwona kuti ŵaheni ndiwo ŵasakata.

Nthanthi 1:19

umu ndimu zilili nthowa zaku wose ŵeniwo ŵasakatiya mu mbanda zituzgapo umoyo wa ŵeneko ŵa vinthu.

Nthanthi 15:24

Gurwi wa ŵazeru warongozge kuchanya ku umoyo, alinga wapambane ndi muunda wa pasi,

Nthanthi 2:13

ŵeniwo ŵajowo nthowa za kunyoroka kwachenda mu nthowa za mdima,

Nthanthi 2:15

ŵanthu ŵeniwo nthowa zawo zakunyongoloka, ndipo mbakupatika mu nthowa zawo.

Nthanthi 24:1

Ungaŵachitiyanga sanje cha ŵanthu ŵaheni, chingana nkhunweka kuŵa nawo pamoza;

Yesaya 10:1

Owe kwaku wo ŵalamula malamulu gha utimbanizi, ndi ŵalembi wo ŵalemba yuzgu,

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Yesaya 5:12

Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

ŴaRoma 3:16

phasulu ndi usokwa vye mu nthowa zawo;

Ŵeruzgi 9:27

Mwakuti, ŵanguwunjika vipasi kutuwa mu minda yawo ya mphereska ndipo ŵangupinga, ndi ŵanguchita dghera, ŵangusere mu nyumba yaku chiuta wawo, ndipo ŵangurgha ndi kumwa ndi kumutuka Abimeleke.

Ŵeruzgi 9:38

Sono Zebulu wanguti kwaku iyo, “Mlomo wako wepani sono, iwe unguti, ‘Njani nayo Abimeleke, wakuti timteŵete?’ Asi ndi yaŵa ŵanthu wo munguyeya? Tuwani rutani mukarwane nawo.”