Sumu 10:4 - Tonga Bible 1986

⁴ Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

Sumu 10:4 Iomraidhean Croise

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

Jobu 22:17

Ŵanguti kwaku Chiuta, ‘Patukako kwaku ifwe,’ ndipo so, ‘Kumbi Wanthazizose wangachitanji kwaku ifwe?’

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Sumu 18:27

Chifukwa imwe mtaska ŵanthu ŵakujiyuyuwa; kweni maso ghakujikwezga mutighasiskiya pasi.

Sumu 27:8

Imwe munguti, “Penjani chisku changu.” Mtima wangu kwaku imwe utiti, “Chisku chinu, Ambuya, ndichu ndipenja.”

Sumu 36:1

Kwananga kwa wamphurupuru kukamba mukati mu mtima wake; palivi kopa Chiuta paurongo pa maso ghake.

Sumu 53:1

Muzereza watiti mu mtima wake, “Kulivi Chiuta.” Mbakuvunda, ŵachita ukazuzi; kulivi nanga njumoza wakuchita umampha.

Sumu 73:11

Sono ŵatiti, “Chiuta kuti wakaziŵanga cha! Wapachanya Limu kuti wakachibowozganga cha!”

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Nthanthi 21:4

Maso gha kujikuzga ndi mtima wakujikuzga, nyali ya ŵaheni, ndi mphurupuru.

Nthanthi 30:13

Ŵalipo ŵeniwo manyi maso ghawo ngatali uli, manyi nkhope zawo zitali uli!

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Wakutaula 8:11

Chifukwa cheruzgu chapa nchitu yiheni kuti chifiskika ruŵi cha, mtima wa ŵana ŵa ŵanthu ukuzikitizgikiya limu kuchita uheni.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Yesaya 65:2

Ndingutambaruwa manja ghangu zuŵa lose ku ŵanthu ŵakugaruka, wo ŵatenda mu nthowa yo kuti njamampha cha, ŵakurondo fundu zaŵeneko ŵija;

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Zefaniya 1:12

Pa nyengo yo ndipenjenge mu Yerusalemu ndi nyali; ndi ndirangenge ŵanthu wose wo ŵafwasa pa visika vyawo, wo mu mitima yawo ŵakamba kuti, ‘Ambuya achitenge chamampha cha, pamwenga kuchita chiheni!’

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Marko 7:21

Chifukwa kutuwa mukati, mu mtima wa munthu, ghatuwa marunguruku ghaheni, mauyaya, maunkhungu, zimbanda, maureŵi,

Machitidu gha Ŵakutumika 8:22

Viyo nyongokako ku uheni wako uwu, ndi uŵeyere Chiuta, alinga kuti vinu lingagowokereka khumbiro lo la mtima wako.

ŴaRoma 1:21

Chifukwa pakumziŵa Chiuta ŵengavi kumkankhuska uli ndi Chiuta, chingana nkhuti ŵangumwonga cha; kweni ŵangupusa mu maghana-ghanu ghawo ndi mtima wawo wauzereza ungufipiskika,

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

ŴaEfeso 2:12

kumbukani kuti pa nyengo yiya mwenga pade pambura Kristu, ŵakugaukako ku ufumu wakuYisraele, ndi ŵalendo ku marayizganu gha chipanganu cho, ŵambura chigomekezgu ndi ŵambura kuziŵa Chiuta mu charu.

Marangu 8:14

chenjeni vinu mtima winu wungatukumuka, ndi mungaruwa Ambuya Chiuta winu, yo wakumutuzgani mu charu cha Egipiti, mu nyumba ya uŵanda.