Ruti 4:6 - Tonga Bible 1986

⁶ Sono mbali mwenimweni yo wanguti, “Kuti ndingajiwombole cho cha vinu ndingatimbanizga chihara chaku ndamweni. Uto mtufu wangu ukachiwombo wamweni. Chifukwa ine kuti ndingachiwombo cha.”

Ruti 4:6 Iomraidhean Croise

Chiyambo 38:8

Sono Yuda wanguti kwaku Onani, “Sere choko cha mwana munyako ndi ufiske nchitu ya ulemu kwaku iyo, ndipo umuyuskiye mphapu mwana munyako.”

ŴaLevi 25:25

“Asani mwana munyako waŵa wakusauka ndipo waguliska chigaŵa cha vinthu vyake, sono mbali wake wakazanga ndi kuwombo vyo mwana munyake waguliska.

Marangu 25:7

Ndipo asani munthurumi yo kuti wakhumba kuto cha choko cha mwana munyake, sono choko cho chikayanga ku likomo ku ŵara, ndi kunena kuti, ‘Mbali wa murumi wangu wakana kurutizga zina la mbali wake mu Yisraele, wakana kuchita mlimu wa mbali wake murumi wangu.’

Marangu 25:8

Sono ŵara ŵa msumba wake ŵakamudananga, ndi kukamba nayo, ndipo asani wakana mbwenu, kuti, ‘Kuti ndikhumba kumuto cha,’

Marangu 25:9

sono choko cha mbali wake chiyenge kwaku iyo ndi kuzuwa viyato vyake ndi kumufunyiya mata pa chisku chake. Wamukenge ndi kuti, ‘Viyo ndimo kukachitikiyanga ku munthurumi mweniyo wareka kuzenga myumba ya mwanamunyake.’

Ruti 2:20

Ndipo Naomi wanguti ku mukumwana wake, “Ambuya amutumbike munthu yo walivi kulekezga ulemu wake ku wamoyo ndi wakufwa!” Naomi wanguti, “Munthu yo ndi mbali widu, njumoza wa ŵanasi limu.”

Ruti 3:13

Uje panu usiku uno asani ndi mlenji wakakuharanga kuŵa muwoli wake, nchamampha mureke wakuhari kweni asani kuti wakakhumbanga cha kukuhara, po ndipo uli ndimo Ambuya ajaliya amoyo, ine ndikakuchitiyanga cho muhari watenere kuchita. Ugone pasi mpaka ndi mlenji.”

Ruti 3:9

Iyo wanguti, “Ndiwe yani?” Ndipo munthukazi wangwamuka kuti, “Ndine Ruti, mteŵeti munthukazi wako; vwikha chiketi chako pa mteŵeti munthukazi wako pakuti we muhari.”