Ruti 1:1 - Tonga Bible 1986

¹ Mu mazuŵa mwaku gho ŵeruzgi ŵayeruzgiyanga mwenga chilala mu charu, ndipo munthu yumoza wamu Betelehemu waku Yuda wanguruta mu charu cha Moabu, iyo ndimuwoli wake ndi ŵana ŵake ŵaŵi ŵanthurumi.

Ruti 1:1 Iomraidhean Croise

Chiyambo 12:10

Sono kwenga chilala mu charu cho. Viyo Abramu wanguruta ku Egipiti kwachitandara kwenikuwa, pakuti chilala cho chenga chikuru mu charu cho.

Chiyambo 26:1

Sono mwenga nja mu charu, ya pade pa nja yakale yeniyo yengako mu mazuŵa ghaku Abrahamu. Ndipo Yisaki wanguya ku Gerara kwaku Abimeleke karonga wa ŵaFilisti.

Chiyambo 43:1

Sono chilala chinguŵa chikuru ukongwa mu charu cho.

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

1 ŴaKaronga 18:2

Viyo Eliya wanguruta kwachijirongo kwaku Ahabu. Pa nyengo iyi chilala chenga chikuru mu Samaria.

1 Mikoka 2:51

Salma wiske waku Betelehemu, ndi Harefu wiske waku Betigadere.

1 Mikoka 2:54

Ŵana ŵaku Salma: Betelehemu, ŵana ŵaku Netofati, Atroti-beti-Joabu, ndi chigaŵa charwandi chaku Manahati mu Zoriti.

Sumu 105:16

Penipo Ambuya angutuma chilala mu charu chawo, ndi kutuzgamo kurchga kwawo kose,

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Yeremiya 14:1

Mazu gha Ambuya gho ghanguza kwaku Yeremiya gha pa chilala:

Ezekiele 14:13

Mwana wa munthu, asani charu chandinangiya pa kuchita uwura magomezgeka, ndipo ine nditambasuliya janja langu paku cho, ndi kufyo ndodo yake yachiŵande ndi kutuma chilala paku cho, kudumuwako munthu ndi chakuŵeta,

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

ŴaLevi 26:19

Nkhabwanganduwanga kujikuzga kwinu kwa nthazi, ndipo nkhasanduskanga mudengwende kuŵa nge nchisulo, ndi charu chapasi nge ndi mkuŵa.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Marangu 28:38

Mukapingiyanga ku munda mbeu zinandi kweni mukavunanga zimanavi, pakuti zikarghikanga ndi zombe.

Ŵeruzgi 12:8

Pavuli pake Ibzani waku Betelehemu wangweruzga Yisraele.

Ŵeruzgi 17:7

Sono kwenga munyamata waku Betelehemu mu Yuda, wamu mbumba yaku Yuda yo wenga muLevi; ndipo wenga mulendo kwenikuwa.

Ŵeruzgi 17:8

Munthu uyu wangutuwako ku msumba waku Betelehemu waku Yuda, kwachija kweniko wangasaniya malo ghakujako; ndipo po wendanga, wanguza ku charu cha mitunthu chaku Efraimu ku nyumba yaku Mika.