Obadiya 1:5 - Tonga Bible 1986

⁵ Asani ŵankhungu ŵanguza kwako, ndi asani ŵakuskoŵa ŵanguza ndi usiku owe! kupasuka viŵi! kumbi kuti ŵatinge ŵabenge cha vyakuŵakwana? Asani ŵakupontho mphereska ŵanguza kwako kuti ŵatinge ŵasiyengeko zakujaliya cha?

Obadiya 1:5 Iomraidhean Croise

2 Samuele 1:19

“Unkhankhu wako, Yisraele, wabayikiya pa malo ghako ghapachanya! Vyawa uli vinkhara!

Yesaya 14:12

“Mo wambotoke kutuwa kuchanya, wa Nyenyezi ya Msana, mwana wa Matanda-kucha! Mo watemeke kuwa pasi, iwe ungularika pasi mitundu!

Yesaya 17:6

Vyakuvuluwa vikasiyikanga mwenumuwa, ulaka ndi pa chimuti cha olive chasukuniskika vipasi viŵi pamwenga vitatu pasongo pa mphanda ya pachanya ukongwa, vinayi pamwenga vinkhonde pa mphanda za muti wa vipasi, atiti Ambuya Chiuta waku Yisraele.

Yesaya 24:13

Pakuti viyo ndimu kukaŵiyanga mukati mwa charu chapasi, mukati mu mitundu, uli ndipa muti wa olive wapumika, nge mpha kuvuluwa mu minda ŵatiti ŵamara kuunjika mphereska.

Yeremiya 49:9

Asani ŵakupontho mphereska ŵakazanga kwako, kuti ŵakasiyangamo cha mphereska zakutondomo ŵa muvuli? Asani ŵankhungu ŵangazandi usiku, asi ŵazamunanga vyakukwana iwo pe?

Yeremiya 50:23

Ehe, mo nyundo ya charu chose chapasi yadumulikiya pasi ndi yafyoka! Ehe mo Babiloni waŵiya chakofya mu mitundu!

Yeremiya 6:9

Viyo atiti Ambuya ŵa maŵanja: “Kanimu so kwarwana nge ndi mphereska mu ŵakujamo ŵa ŵaYisraele; uli ngwakuunjika vipasi pitiska janja lako mu mphanda zake.”

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Obadiya 1:9

Ndi vinkhara vinu vimarenge nthazi, owe Temana, viyo kuti munthu yose waku phiri laku Esau wadumulike ndi kubayika.

Mika 7:1

Owe ine! Pakuti ndaŵa nge ndi vipasi vyo vyavunika ndi chihanya, nge ndi vipasi vyakujaliya vuli pavuna, kulivi mphereska zakurgha, kulivi nkhuyu zakwamba kufya zo ndingakhumba.

Zefaniya 2:15

Uwu ndi msumba wakujikuzga wo wafwasanga, wo unguti mu mtima wake, “Ine ndiliko, ndipo kulivi munyake pade paku ine.” Nako nkhupasuka uku wapasuka, mphanji ya vikoko! Yose yo wadumuwapo wajuma ndi kupukung'a mutu wake.

Marangu 24:21

Muchiwunjika vipasi vya mu­nda winu wa mphereska, mungawerengamo pavuli kwachifufuntha, vipasi vyakujamo vikaŵanga vya mlendo, wamasiya, ndi choko.

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”