Obadiya 1:21 - Tonga Bible 1986

²¹ Ŵakutaska ŵakakweriyanga ku phiri Zioni kweruzga phiri laku Esau; ndipo ufumu uŵenge wa Ambuya.

Obadiya 1:21 Iomraidhean Croise

Chiyambo 25:23

Ndipo Ambuya ŵanguti kwaku iyo, “Mwe mitundu yiŵi mu chibali chako; Ndipo ŵanthu ŵaŵi wo ukapapanga ŵakagaukananga. Yumoza wakaŵanga wakulimba kwakuruska munyake: mura wakatataliyanga mumana.”

2 ŴaKaronga 13:5

(Chifukwa cho Ambuya angupaska Yisraele utaski, viyo kuti ŵanguthaŵako ku janja la ŵaSiriya; ndipo ŵanthu ŵaku Yisraele ŵajanga mu mizi yawo uli mphakudanga.

Nehemiya 9:27

Chifukwa cho munguŵapereka mu janja la ŵakupindikana ŵawo, ŵeniwo ŵanguŵapaska suzgu; ndipo mu nyengo ya masuzgu ghawo ŵangukuliriyani ndipo munguŵavwa ko kuchanya, ndi malisungu ghinu ghakuru mungaŵapaska ŵapozomoski wo ŵanguŵapozomoska kujanja la ŵakupindikana ŵawo,

Sumu 102:15

Mitundu yikawopanga Ambuya; ŵakaronga wose ŵa charu chapasi ŵakawopanga mazaza ghinu.

Sumu 22:28

Pakuti ufumu ngwa Ambuya, ndipo ausa pa mitundu.

Sumu 22:29

Inya, kwaku iyo ŵakotamiyenge pasi wose ŵakujikuzga ŵa charu chapasi; wagwadenge paurongo pake wakusikiya ku fuvu, ndi mweniyo wangatondeka kujisunga wamoyo iyo mweneko.

Sumu 47:7

Pakuti Chiuta ndi karonga wa charu chose; mbani marumbu ndisumu!

Sumu 67:4

Yangare mitundu yose mu sumu za chimwemwe, chifukwa muteruzga makhamu mu urunji, ndi kurongozga mitundu yose.

Yesaya 19:20

Chikaŵanga chiziŵisku ndi kaboni ku Ambuya ŵa maŵanja mu charu cha Egipiti, ŵachiliriya ku Ambuya chifukwa cha ŵakuyuzga aŵatumiyenge mpozomoski, ŵakaŵavikiriyanga ndi kuŵataska.

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Danyele 2:35

Viyo chisulo, dongo mkuŵa, siliva, ndi golide vinguvikitika tumana-tumana vyose pamoza, ndi vinguŵa nge ndi mwere wa chihanya wakupepeteke pasi, ndi mphepo yinguviputiskiya kutali, mwakuti vingawoneka so cha. Kweni mwa uwa ungutekenya chikozgu cho, ungusanduka phiri likuru ndi linguzaza charu chose chapasi.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Mateyu 6:10

Ufumu winu uze. Khumbu linu lichitike, panupasi nge ndiko kuchanya.

Mateyu 6:13

Ndipo mungatitole mu kesedu kweni titaskeni ku mheni yo.

Luka 22:30

alinga kuti murghenge ndi mumwenge pa gome langu mu ufumu wangu; ndipo mujenge pa vitengu, ŵakweruzga mafuku chumi ndi ghaŵi ghaku Yisraele.

1 Timote 4:16

Jichenjeriyenge wamweni, ndi so ku chisambizgu chako. Jaririyanga mwaku vyenivi; chifukwa pakuchita chenichi ujitaskenge wamweni ndi wo ŵatukuvwa.

Yakobe 5:20

waziwi kuti mweniyo wang'anamuwako mulakwi ku urandizgi wa nthowa yake, wataskengeko mzimu ku nyifwa, ndipo waundenge muru wa vilakwa.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 19:6

Ndinguvwa uli ndi mazu gha mzinda ukuru, ndi nge ndi mazu gha maji ghanandi, ndi nge ndi mazu gha vidiririzi vyanthazi, ghakuti, “Aleluya! Pakuti ŵausa Ambuya Chiuta widu Wanthazizose!

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Ŵeruzgi 2:16

Sono Ambuya anguyuska ŵeruzgi ŵeniwo ŵanguŵapozomoska ku nthazi yaku wo ŵanguŵayora.

Ŵeruzgi 3:9

Kweni penipo ŵaYisraele ŵanguliliya ku Ambuya, Ambuya anguŵasoske muwombozi ŵaYisraele mweniyo wanguŵawombo, Otniele mwana waku Kenazi, muhurwa waku Kalebu.