Obadiya 1:18 - Tonga Bible 1986

¹⁸ Nyumba yaku Yakobe yiŵenge moto, ndi nyumba yaku Yosefe mlipu; ndipo yaku Esau yiŵenge viputu; ŵakaviwochanga ndi kuvimara, ndipo paulengevi ŵakujapo ŵamu nyumba yaku Esau; chifukwa Ambuya akamba.

Obadiya 1:18 Iomraidhean Croise

2 Samuele 19:20

Pakuti mteŵeti winu waziŵa kuti ndikwananga; mwa chifukwa ichi, awonani, ndaza pa zuŵa ili kuŵa wakwamba mu ŵanyumba yose yaku Yosefe, kuza kuzachikumana ndi mbuyangu karonga.”

Chituwa 5:12

Viyo ŵanthu ŵanguparghang'ikana uku ndi uku mu charu cha Egipiti kwachiwunjika viputu mu malo gha uteka.

Yesaya 10:17

Ukweru waku Yisraele usandukenge moto, ndipo Mtuŵa wake Yumoza mlipu; ndipo ukawochanga ndi kwananga minga yake ndi kankhande mu zuŵa limoza.

Yesaya 31:9

Jarawe lake likarutanga mu chofyo, ndipo nduna zake zikayithaŵanga mbendera mu mantha,” atiti Ambuya, wo moto wawo wemu Zioni, ndi ng'anjo yawo ye mu Yerusalemu.

Yesaya 47:14

Ehe, ŵenga ndi mbuwa, moto utiŵargha kuti ŵaziŵa kujipozomoska cha ku nthazi ya mlipu. Kuti ndi maka ghakothako cha, palivi moto wakujapo!

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yesaya 9:18

Pakuti utimbanizi ukole uli ndi moto, utocha kankhande ndi minga; ukozga matundu ndi lisuwa, ndipo viputiya kuchanya mu ukhomi wa usi.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yeremiya 11:23

ndipo palivi yumoza waku wo wakasiyikanga. Pakuti ndikatolenga chiheni pa ŵanthu ŵaku Anatoti, chirimika cha kulangika kwawo.”

Ezekiele 37:16

“Mwana wa munthu, uto ndodo ulembepo, ‘Yaku Yuda, ndi ŵana ŵaku Yisraele pamoza nayo,’ uto so ndodo yinyake ulembepo, ‘Yaku Yosefe (ndodo yaku Efraimu) ndi nyumba yose yaku Yisraele pamoza nayo’;

Ezekiele 37:19

Uŵanene kuti, Viyo atiti Ambuya Chiuta: Awonani, nde pafupi kuto ndodo yaku Yosefe (yo yemu janja laku Efraimu) ndi mafuku ghaku Yisraele pamoza nayo; ndipo ndibatikizganenge ndi ndodo yaku Yuda, kuti ziŵe ndodo yimoza, alinga kuti mu janja langu ziŵe ndodo yimoza.

Yoele 2:5

Nge nchiwawa cha magareta, ghachiripuka pachanya pa mapiri, nge nchiwawa cha mlipu wa moto, wo utocha viputu, nge mbanthu ŵanthazi ŵaŵikika umampha mukurwa nkhondo.

Amosi 1:8

Ndiwiskenge ŵakuja mu Ashidodi, ndi yo wakoreze ndodo ya ufumu mu Ashikeloni; ndi ng'anamuwenge janjalangu kumikana ndi Ekroni; ndi ŵakujako ŵa ŵaFilisti ŵakamaranga,” atiti Ambuya Chiuta.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Amosi 6:6

wo ŵatumwa vinyo mu mbali, ndi kujitukutizga ndi mafuta ghamampha, kweni kuti ŵe ndi chitima cha ndi pharghaniku laku Yosefe!

Obadiya 1:16

Chifukwa nge ndimo mwamwiya pa phiri langu lakupaturika, viyo ndimo mitundu yose yakuzunguriya yikamwiyanga kwambura kurekezga; ŵamwenge, ndi kumeza, ndipo ŵaŵenge nge ŵengako cha.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Nahumu 1:10

Nge ndi minga yakuhoma ŵanyekenge, nge nchivwati chakumira.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

1 ŴaKorinte 3:12

Kweni asani munthu wazenga pachiwanjacho ndi golide, siliva, myayamtengu, miti, uteka, mbuwa;