Obadiya 1:15 - Tonga Bible 1986

¹⁵ Chifukwa zuŵa la Ambuya laŵandika pa mitundu yose. Nge ndimo wachitiya, viyo ndimo kuchitikiyenge kwako, nchitu zako ziwezgeke pa mutu wako.

Obadiya 1:15 Iomraidhean Croise

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Jobu 24:1

“Chifukwa nchine nyengo za cheruzgu zilivi kumikika ndi Wanthazizose, ndi chifukwa nchine wo watumuziŵa wareka kuwona mazuŵa ghake?

Sumu 137:8

Babiloni, ukupasukanga! Wakukondwa ndi munthu yo wakuwerezgiyengepo, paku cho iwe wachitiya ifwe.

Nthanthi 5:22

Mphurupuru za muheni zitumuthya ndipo wawira mu kuchita kwa uheni wake.

Yeremiya 12:14

Viyo atiti Ambuya pa ŵanyangu wose ŵaheni wo ŵakwaska charu chenicho ndikupaska ŵanthu ŵangu ŵaYisraele, kuchihara: “Ehe, ndikaŵazuwanga kutuwa mu charu chawo ndipo ndikazuwanga nyumba yaku Yuda mukati mwawo.

Yeremiya 49:12

Pakuti viyo atiti Ambuya: “Asani wo ŵengavi kwenere kumwa nkhondo ndiwo ŵatumwa, kumbi iwe ukarutanga wambura kulangika? Kuti ukarutanga wambura kulangika cha, kweni utenere kumwa.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Yeremiya 51:56

pakuti wakuparghang'a waza paku iyo, waza pa Babiloni; ŵankhondo ŵake ŵayoleka, mauta ghawo ghafyoka tumanatumana; pakuti Ambuya ndi Chiuta wakuwezge thayu, kwakuneneska wakawezganga nadi.

Ezekiele 30:3

Pakuti zuŵa laŵandika, zuŵa la Ambuya laŵandika; likaŵanga zuŵa la mitambo, nyengo ya soka ku mitundu.

Ezekiele 35:11

chifukwa cho, mo ndiliri wamoyo, atiti Ambuya Chiuta, chifukwa cha ukari ndi sanji yo ungurongo, chifukwa cha tinkhu lako lo unguŵa nalo paku iwo, ine ndikachitanga nawe kwakukozgana, ndikajiziŵiskanga mukati mwako, pakukweruzga.

Ezekiele 35:15

Nge ndimo iwe ungukondwe pa chihara cha nyumba yaku Yisraele, po yinguŵa phasulu, viyo ndimu ndikachitiyanga nawe; ukaŵanga phasulu, phiri la Seiri, ndi Edomu yose, yose teteti. Penipo ndipo ŵakaziŵanga kuti ine ndine Ambuya.”

Yoele 1:15

Owe, zuŵa liya! Chifukwa zuŵa la Ambuya laŵandika, nge ndi phasulu kutuliya kwaku Wanthazi zose, lituza.

Yoele 2:1

Mbani mbata mu Zioni; wawatani mu phiri langu lakupaturika! Wakuja mu charu chose watentheme, chifukwa zuŵa la Ambuya liŵandika, zuŵa lituza.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Amosi 5:18

Owe; kwaku imwe mukhumba zuŵa la Ambuya! Chifukwa nchine mukhumba kuŵa ndi zuŵa la Ambuya? Ndi mdima, kuti mbukweru cha;

Amosi 5:20

Asi zuŵa la Ambuya ndi mdima, ndi kuti mbukweru cha, ndi la mfufu lambura chingana mbukweru?

Mika 5:15

Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.

Habakuku 2:8

Chifukwa iwe waskowa mitundu yinandi, ŵanthu wose wo ŵakujako ŵakuskoŵenge. Chifukwa chandopa za ŵanthu ndi nkhaza mu charu, ndi mu misumba ndi wose ŵakujamo.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.