Nthanthi 8:17 - Tonga Bible 1986

¹⁷ Nditanja ŵeniwo ŵatindanja, wo ŵatindipenja kwarwana ŵatindisaniya.

Nthanthi 8:17 Iomraidhean Croise

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

Sumu 91:14

Chiuta watiti, “Nditaskenge wo ŵatindanja, ndi kuŵavikiriya wo ŵatindiziŵa.

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Nthanthi 2:4

asani uzipenjenge nge ndi siliva ndikuzipenja uli upenja mbiku yakubisika;

Nthanthi 2:5

po ndipo ukaziŵanga kopa Ambuya ndi ukasaniyanga zeru yaku Chiuta.

Nthanthi 4:6

Ungayirekanga cha, ndipo yikakusunganga; uyanjenge, ndipo yikakulongozganga.

Nthanthi 8:16

ŵana ŵa mafumu ŵawusiya mwangu, ndipo ŵanangwa ŵateruzga charu chapasi.

Wakutaula 12:1

Kumbuka so Mlengi wako mu mazuŵa gha unyamata wako, ghenga ghandazi mazuŵa ghaheni, ndi virimika vyenga vindafike, penipo wazamukamba kuti, “Ndilivi likondwa mwaku vyo.”

Sumu ya Zisumu 3:4

Ndinguŵajumpha kanyengo kamanavi, ndinguti ndamusaniya mweniyo mzimu wangu utanja. Ndingumuko, ndipo kuti ndinguzomerezga kumutaya cha mpaka penipo ndingumutore mu nyumba ya ama, mu chipinda chaku mweniyo wakundipapa.

Yesaya 45:19

Kuti ndingukamba mu ubendi cha, mu charu cha mdima; ndengavi kukamba ku mphapu yaku Yakobe, ‘Ndipenjeni mu soka linu.’ Ine Ambuya ndikamba uneneska, nditaula chenicho ncha kurunjika.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Marko 10:14

Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Yohane 5:4

pakuti mungelo wazanga kaŵikaŵi kwazivunduwa maji. Ndipo maji ghati ghavunduka yo yose wangudanga kubiramo wanguchizigika ku nthenda yose yo wenga nayo.]

Yohane 7:37

Zuŵa lakumariya, la dghera, lenga zuŵa likuru, wanguma Yesu ndipo wangukambura, wakuti, “Asani munthu we ndi nyota, waze kwaku ine, ndi wamwe.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

1 Yohane 4:19

Ifwe titanja, pakuti iyo danga wangwanja ifwe.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.