Nthanthi 30:10 - Tonga Bible 1986

¹⁰ Ungamupusikiyanga mteŵeti ku mbuyake, vinu wangamutemba ndipo ususkikenge.

Nthanthi 30:10 Iomraidhean Croise

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Nthanthi 11:26

Ŵanthu ŵatimutemba mweniyo wakaniriya kurgha, kweni thumbiku le pa mutu waku yo waguliska kurgha.

Nthanthi 28:27

Mweniyo wapaska mukavu kuti wakavukenge cha, kweni mweniyo wabisa maso ghake warondenge matembu ghanandi.

Wakutaula 7:21

Ungategherezganga kwaku vyose vyo ŵanthu ŵakamba cha, vinu ungavwa mteŵeti wako wachikutemba;

Danyele 6:13

Ndipo wangwamuka paurongo pa karonga wanguti, “Danyele yo njumoza wa ŵamikoli ŵaku Yuda kuti watukuphwereni cha imwe karonga, pamwenga dangu lo mukusayinda, wasopa katatu pa zuŵa.”

Danyele 6:24

Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

ŴaRoma 14:4

Ndiwe yani iwe uteruzga mteŵeti waŵeni? Ku mbuyake waku yija watuma pamwenga watuwa pasi. Ndipo wakamiskikanga pakuti Ambuya mbanthazi kumumiska.

Marangu 15:9

Chenjini vinu mungaŵa ghanoghono lakuyeya mu mtima yinu ndipo mungati, ‘Chirimika cha chinkhonde ndi chiŵi, chirimika cha chigowoke che pafupi,’ ndipo jiso linu liŵenge liheni kumikana ndi mbali winu mukavu, ndipo mutumupaska kanthu cha, wakamuliriyaninga ku Ambuya, ndipo ulakwi uŵenge kwaku imwe.

Marangu 23:15

“Kuti mukamuperekanga ku mbuyake cha muŵanda mweniyo wathaŵa ku mbuyake yo waza kwinu,

1 Samuele 24:9

Ndipo wanguti kwaku Sauli, “Chifukwa nchine mutuvwa ku makambiru gha ŵanthu wo ŵatiti, ‘Awonani, Davidi wapenja kumupwetekani?’

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’

1 Samuele 30:15

Davidi wangunena nayo, “Kumbi ungaruta nane ku liŵanja ili?” Iyo wanguti, “Ndirapiyeni kwaku Chiuta, kuti mukandibayanga cha, pamwenga kundipereka mu manja gha mbuyangu, ndipo ndikamutoriyanga ku liŵanja lo.”