Nthanthi 3:4 - Tonga Bible 1986

⁴ Po ndipo ukasaniyanga mwaŵi ndi mbiri yamampha mu maso ghaku Chiuta ndi munthu.

Nthanthi 3:4 Iomraidhean Croise

Chiyambo 39:21

Kweni Ambuya ŵenga ndi Yosefe angumurongo chifundu, ndipo angumupaska wezi mu maso gha msungi wa nyumba ya ukaidi.

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Nthanthi 12:2

Munthu wamampha wasaniya mwaŵi kutuwa ku Ambuya, kweni munthu wa vipangu viheni ŵatumususka.

Nthanthi 13:15

Ghanaghano lamampha lisaniya mwaŵi, kweni nthowa ya ŵambura kuvwana ndi phasulo lawo.

Nthanthi 8:35

Pakuti mweniyo wasaniya ine wasaniya umoyo ndipo waronde mwaŵi wakutuwa ku Ambuya;

Danyele 1:9

Ndipo Chiuta wangutumbika Danyele kuti wasaniye ulemu ndi chanju mu maso gha mura wa ŵamuthenu;

Luka 2:52

Ndipo Yesu wakuwanga mu zeru ndi mu msinkhu, ndi mu wezi kwaku Chiuta ndi ŵanthu.

Machitidu gha Ŵakutumika 2:47

ŵakumthamika Chiuta, ndi ŵakuŵa ndi rumbu ku khamu lo lose. Ndipo Ambuya ŵangukuskiyako ku unandi wawo ŵakutaskika zuŵa ndi zuŵa.

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

2 ŴaKorinte 8:21

chifukwa tidunjika paku vyo vyakurumbika mu maso gha Ambuya pe cha, kweni so mu maso gha ŵanthu.

1 Samuele 2:21

Ambuya angukumbuka Hana wanguŵa ndi nthumbo ndipo wangupapa ŵana ŵanthurumi ŵatatu, ŵanthukazi ŵaŵi. Ndipo mhurwa Samuele wakuwanga pa maso gha Ambuya.

1 Samuele 2:26

Mhurwa Samuele wangurutiriya kukuwa mu umampha wakurumbika ndi Ambuya ndipo so ndi ŵanthu.