Nthanthi 28:22 - Tonga Bible 1986

²² Munthu wakunweka chuma watinthimikiya usambasi; ndipo kuti waziŵa cha kuti ukavu ukamuziyanga.

Nthanthi 28:22 Iomraidhean Croise

1 Timote 6:9

Kweni wo mbakukhumba kusambasa ŵatuwa mu kesedu ndi chikhwiriki ndi malikhumbira ghanandi ghazereza ndi gharwani, ghenigho ghose ghabizga ŵanthu mu chipasuka ndi wanangiku.

Nthanthi 23:6

Reka kurgha kurgha kwa munthu mukavu, ungakhumbilanga vya kunona vyake cha;

Nthanthi 28:20

Munthu wamagomekezgeka wakazalanga ndi vitumbiku, kweni mweniyo watunthumiya kusambasa kuti warekenge kulangika cha.

Marko 7:22

viŵinu, mauheni, fuvyu, ulakalaka, jiso liheni, mautusi, jani, uzereza,

Mateyu 20:15

Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’

Chiyambo 19:17

Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Nthanthi 21:5

Maghanoghano gha wakutakataka kwakuneneska ghalongozge ku vyakuzala, kweni we yose mweniyo ngwakufulumiya wafikiya waka ku vyakusoŵa.

Nthanthi 22:16

Mweniyo wasauska mukavu pakukhumba kwandaniska uromba wake, pamwenga wapaska ku musambasi wakakhumbilanga pavuli.