Nthanthi 28:16 - Tonga Bible 1986

¹⁶ Mweruzgi mweniyo walivi kuwamongwakuyuzga ndi nkhaza; kweni mweniyo watinkha chanduwu chizira urunji wandaniskenge mazuŵa ghake.

Nthanthi 28:16 Iomraidhean Croise

1 ŴaKaronga 12:10

Ndipo ŵanyamata wo wangukuliya nayo pamoza ŵanguti, “Viyo ndimu mukambiyi ndi ŵanthu ŵeniwo ŵanguti kwako, ‘Ausu ŵanguzitiska goŵa lidu, kweni iwe utiyuyuske.’ Uŵanene kuti, ‘Chikumbu changu chimana nchikhomi kwakuruska chiunu cha ada.

1 ŴaKaronga 12:14

wangurongoro nawo kwakulingana ndi upu wa ŵanyamata, “Po ada ŵanguŵika pinu goŵa lizitu, ine ndikasazgiyangako ku goŵa lo. Ada ŵangumukwechuwani ndi vikoti, kweni ine ndikukwechuweninge ndi vipiriri.”

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Chituwa 18:21

Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.

Wakutaula 4:1

Ndinguwona so visuzgu vyose vyo vichitika panu pasi. Ehe, masozi gha ŵakukandirizgika, ŵengavi nanga njumoza wakuŵasangaruska! Kuchiri ku ŵakuŵakandirizga kwenga mazaza, ndipo pengavi yumoza wakuŵasangaruska.

Yesaya 3:12

Ŵanthu ŵangu ŵayuzgika ndi ŵana, ŵanthukazi ndiwo ŵatiŵawusa. Owe mwa ŵanthu ŵangu, ŵarongozgi ŵinu ŵakumupuruskani, ŵakutimbanizga mendedu gha nthowa zinu.

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’