Nthanthi 28:12 - Tonga Bible 1986

¹² Penipo murunji wapunda, pe unkhankhu ukuru; kweni penipo wa mphulupulu wayuka ŵanthu ŵabisama,

Nthanthi 28:12 Iomraidhean Croise

1 ŴaKaronga 18:13

Kumbi alivi kumukambiya mbuyangu chenicho ndinguchita po Yezebelu wangubaya ŵamchimi ŵa Ambuya mwenimo ndingubisiya ŵa mchimi machumi pe chumi (100), mo ndinguŵabisiya mumphanji machumi ghankhonde ghankhonde, kuŵaliska chiŵande ndi maji?

1 ŴaKaronga 19:3

Sono wangofyerwa, ndipo wangusoka ndi wanguruta kupozomoska umoyo wake, wanguza ku Beresheba, waku Yuda, ndi wangusiya mteŵeti wake kwenikuwa.

2 Mikoka 7:10

Pa zuŵa la machumi ghaŵi ndi ghatatu (23) la mwezi wa chinkhonde ndi chiŵi wangutuma ŵanthu kuti ŵawerenge kwawo ŵakukondwa ndi kusangaruka mu mitima yawo chifukwa cha umampha wo Ambuya anguronga kwaku Davidi, ndi kwaku Solomoni, ndi ku ŵaYisraele ŵanthu ŵawo.

Nthanthi 11:10

Asani vinthu vyose vituŵa umampha ndi murunji msumba ukondwa; ndipo asani wamphulupulu wafwa patuŵa chiwawa chakukondwa.

Nthanthi 28:28

Asani wamphulupulu wayuka, ŵanthu ŵabisama, kweni asani wamara, murunji watandana.

Nthanthi 29:2

Penipo ŵarunji ŵemu mtufu, ŵanthu ŵakondwere; kweni asani ŵamphulupulu ŵateruzga ŵanthu ŵatamantha.

Wakutaula 10:16

Owe iwe, mtunda we, penipo karonga wako ndi mwana, ndi mafumu ghako ghaturgha madghera ndi mlenji.

Yeremiya 36:19

Sono ŵaraŵara ŵanguti kwaku Baruki, “Rutanga mukabisami, iwe ndi Yeremiya, ndipo mungaziŵiskangapo nanga njumoza cha kweniko muli.”

Yeremiya 36:26

Ndipo karonga wangulanguliya Yeramelu mwana wakaronga, ndi Seraya mwana waku Azariele ndi Shelemiya mwana waku Abdeli kwachiŵako Baruki mlembi ndi Yeremiya mchimi yo, kweni Ambuya anguŵabisa.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.