Nthanthi 28:10 - Tonga Bible 1986

¹⁰ Mweniyo walandizgiya murunji munthowa ya uheni, wakawanga muzenje la mweneko, kweni wambura kalema wakaŵanga ndi chihara chamampha.

Nthanthi 28:10 Iomraidhean Croise

Sumu 139:24

Wonanimo vinu kalimo kaheni mwaku ine, ndipo ndirongozgeni mu nthowa ya muyaya.

Sumu 37:11

Kweni ŵakuzika ndiwo ŵakaharanga charu, ŵakondwenge mu chimangu chikuru.

Sumu 57:6

Wanguthyiya chirepami chapu yangu; mzimu wangu ungukotama pasi. Wangukumba zenje munthowa yangu, kweni iwo ŵeneko ndiwo ŵawamo.

Sumu 9:15

Mitundu yawa mu mbuna yo ŵangukumba; mu chirepacho ŵanguthya ndimo rundi lawo lawira.

Nthanthi 10:3

Ambuya kuti azomerezga kufwa ndi nja cha, kweni aziŵanizga kunweka kwa wamphulupulu.

Nthanthi 15:6

Mu nyumba ya murunji mwe usambasi unandi, kweni suzgu yiwiya chuma cha wamphurupuru.

Nthanthi 2:21

Pakuti ŵakunyoroka ŵakajanga mu charu, ndipo ŵanthu ŵakujisunga umampha ŵakajaliriyanga mwaku cho;

Nthanthi 21:20

Usambasi wakuzirwa ujaliliya mo waja munthu wazeru, kweni munthu wakupusa watuwuparghang'a.

Nthanthi 26:27

Mweniyo wakumba zenje wakawangamo, ndipo mwa ukamuweriyanga mweniyo wayamba kuwukunkhuzga.

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Wakutaula 10:8

Yo wakumba mbuna wakawangamo; ndipo wakuswa pa mpanda njoka yikamurumanga.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

ŴaGalatia 2:4

kweni ndingukweriyako chifukwa cha ŵabali-ŵatesi ŵakutolekeyamo kwaubende, ŵeniwo ŵangunyeremukiyamo kwachiskola wanangwa widu wo te nawo mwaku Kristu Yesu; alinga kuti watisanduske ŵaŵanda;

ŴaHebere 6:12

alinga mungaŵanga ŵakudodoma cha, kweni ŵakwezga ŵeniwo mu chivwanu ndi unkhunthiya mbakuhara mapanganu.

1 Petro 3:9

ŵakuwerezge uheni pa uheni cha, pamwenga chiphara pa chiphara; kweni kwakupambanako ndiko, muŵe ŵakutumbika; pakuti kwaku chenichi mungudanikiya, alinga kuti muharenge thumbiku.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’