Nthanthi 28:1 - Tonga Bible 1986

¹ Ŵamphulupulu ŵathaŵa penipo palivi mweniyo watuŵadikiska, kweni ŵarunji mbakukhwima mtima uli ndi nkharamu.

Nthanthi 28:1 Iomraidhean Croise

1 ŴaKaronga 1:49

Viyo ŵakudanika wose ŵaku Adoniya ŵangumbwambwanthiya ndipo wangusoka we yose wanguruta nthowa yaku yija.

2 ŴaKaronga 7:15

Ŵanguŵarondo mpaka ku Yordane, kweni ehe, mu nthowa yose munguwa vyakuvwara ndi vyakuteŵete vyo ŵaSiriya ŵatayanga pakuthaŵa. Ndipo mathenga ghanguwe ghanguzachitauliya karonga.

Nehemiya 6:11

Kweni ine ndinguti, “Kumbi munthu wakuŵa nge ndine wangwenere kuthaŵa? Ndipo munthu njani wakuŵa nge ndine wangaruta mu Kasopi ndipo wangaŵa wamoyo? Kuti ndamuseremo cha.”

Jobu 15:21

Kayowozi kakofya kavwika mu makutu ghake, mu usakati wakuparghang'a kakamufikiyanga,

Sumu 112:7

Kuti wachita mantha ndi mbiri yiheni cha; mitima wake ngwakukhozgeka, ndipo wagomekezga mwaku Chiuta.

Sumu 53:5

Ehe ko ŵali, mu chitenthe chikuru, mu chitenthe chenicho nanga ndi kalikuti chikuŵapo cha! Pakuti Chiuta waparghang'enge viwanga vya wambura kuziŵa Chiuta; ŵalengeskekenge, pakuti Chiuta waŵapata.

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Chituwa 11:8

Ndipo ŵaŵanda ŵinu wose yaŵa ŵakasikiyanga kwangu, ndi kuŵeramiya ine, ndi kuti, ‘Tuwanimo, ndi ŵanthu wose wo ŵatikurondo’. Ndipo pavuli pake ine ndikatuwanga.” Ndipo wangutuwako kwaku Farao ndi mtima wakufya.

Nthanthi 10:9

Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Nthanthi 27:27

pakaŵanga mukaka wa mbuzi wakukwana wakurgha kwinu, wa kurgha kwa ŵamunyumba yinu, ndi kurere ŵamwali ŵinu.

Yesaya 30:17

Chikwi cha ŵanthu chikathaŵanga pa kofya kwa yumoza, pa ŵakofya ŵankhonde mukathaŵanga, mpaka po mwambininika uli ndi mulongoti wa mbendera pachanya pa phiri, uli ndi mbendera pa kamtunthu.

Yesaya 7:2

Penipo ŵanguyinene nyumba yaku Davidi kuti, “Siriya wazomerezgana ndi Efraimu,” mtima wake ndi mtima wa ŵanthu ŵake ungusukunika uli ndimo miti yamu lisuwa yisukunikiya paurongo pa mphepo.

Yeremiya 20:4

Pakuti atiti viyo Ambuya, Ehe, ndikakuchitanga chakofya kwaku wamweni ndi ku mabwezi ghako ghose. Ŵakabayikanga ndi lipanga la ŵakupindikana ŵawo, maso ghako ghachilereska. Ndipo ndikaperekanga Yuda yose mu janja la karonga wa Babiloni; ŵakayorekiyanga mu umkoli ku Babiloni, ndipo ŵakaŵabayanga ndi lipanga.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

Machitidu gha Ŵakutumika 14:3

Ndipo viyo ŵanguswapo nyengo yitali, ŵakukamba kwachiganga vya Mbuya, mweniyo ŵangusimikizga mazu gha wezi wake, ndipo ŵangupaska visimikizgu ndi minthondwi kwachichitika ndi manja ghawo.

Machitidu gha Ŵakutumika 4:13

Ndipo pakuwona chiganga chaku Petro ndi Yohane, ndi pakuthoŵa kuti ŵenga ŵanthu ŵambura kusambira ndi ŵaŵaka, ŵazizwanga ndipo ŵaŵateskanga kuti ŵaŵanga pamoza ndi Yesu.

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:7

“Ambuya akachitanga kuti ŵamawongo ŵinu ŵapundike paurongo pinu; ŵakazanga kumikana namwe nthowa yimoza, ndipo ŵazamuthaŵa paurongo pinu nthowa zinkhonde ndi ziŵi.

1 ŴaTesalonika 2:2

tinguŵa ndi chiganga tati takunthiyapo kali, ndi kuyuzgika ku Filipi, uli ndimo muziŵiya, tinguŵa ndi chiganga mwaku Chiuta kukambiya imwe evangeli waku Chiuta mu kulimbalimba kukuru.