Nthanthi 27:18 - Tonga Bible 1986

¹⁸ Mweniyo waphwere chimuti cha mukuyu wakarghanga chipasi chake, ndipo mweniyo wavikiriya mbuyake wakatumbikikanga.

Nthanthi 27:18 Iomraidhean Croise

2 ŴaKaronga 18:31

Mungavwangako cha kwaku Hezekiya, pakuti karonga wa Asiriya watiti, ‘Chitani chimangu ndi ine ndipo zani kwaku ine po ndipo yose waku imwe wakarghanga vya mphereska ya mweneko, yose vya mkuyu wa mweneko, ndipo we yose waku imwe wakamwanga maji gha chisima cha mweneko;

2 ŴaKaronga 3:11

Ndipo Yehosafati wanguti, “Kumbi palivi mchimi wa Ambuya pano, mwaku mweniyo tingafumbiya ku Ambuya?” Sono yumoza wa ŵateŵeti ŵa karonga waku Yisraele wangwamuka, “Elisha mwana waku Shafati we pano, mweniyo wangudira maji mu manja ghaku Eliya.”

2 ŴaKaronga 5:25

Wangusere ndi wanguma paurongo pa mbuyake, ndipo Elisha wanguti kwaku iyo, “Unguya pani, Gehazi?” Iyo wanguti, “Mteŵeti wako walivi kutuwapo.”

2 ŴaKaronga 5:27

Chifukwa cho makhate ghaku Namani ghakaniliyenge mwako, ndi kumphapu yako muyaya.” Viyo wangutuwa pa maso ghake wa makhate, ghakutuwa uli ndi matalala.

Estere 6:11

Viyo Hamani wangwachito chivwaro ndi kavalo wanguvwarika Mordikayi ndikuza nayo pa kavalo kwenda mu mseu mukati mu msumba, ndi wangukambura paurongo pake kuti, “Kuchitikiyenge viyo ku munthu mweniyo karonga wakondwa nayo kumtumbika.”

Sumu 123:2

Ehe, mo mteŵeti wathamiya mbuyake, mo mteŵeti munthukazi wathamiya mbuyake munthukazi, viyo ndimu nafwe tilereske kwinu, Ambuya Chiuta widu, mpaka penipo mwatichitiya wezi.

Chituwa 24:13

Mosese wangusoka ndi mteŵeti wake Yoswa, ndipo Mosese wangukwere mu phiri laku Chiuta.

Nthanthi 17:2

Muŵanda mweniyo wachita kwa zeru wakausanga pa mwana mweniyo wachita kwachilengesku, ndipo wakasanganangapo chihara uli njumoza wa ŵana ndi ŵana.

Nthanthi 22:29

Mutumuwona munthu wakuziŵiskamu nchitu yake? Iyo wakamanga paurongo pa ŵakaronga, kuti wakamanga paurongo pa ŵanthu ŵauliuli cha.

Nthanthi 27:17

Chisulo chinora chisulo, ndi munthu yumoza wanora munyake.

Nthanthi 27:19

Mwenimo chisku chitamukiya chisku mu maji viyo so muwongo wa munthu ulongo mo walili munthu.

Sumu ya Zisumu 8:12

Munda wangu wa mphereska, weniwo pe wangu, ngwaku ndamweni; A, Solomoni, iwe uŵenge ndi chikwi (1,000), ndi ŵakusunga vipasi machumi pe chumi ghaŵi (200).

Yesaya 36:16

Mungategherezganga kwaku Hezekiya; pakuti karonga wa Asiriya watiti: Chitani chimangu ndi ine ndipo muzi kwangu, po ndipo we yose waku imwe wakarghanga vya mphereska yapa mtima wake, ndi we yose vya mkuyu wapa mtima wake, ndipo we yose waku imwe mukamwanga maji gha chisima chapa mtima wake;

Mateyu 24:25

onani, ndakukambiyani limu.

Mateyu 24:46

Ngwamwaŵi muŵanda yo, mweniyo mbuyake wachiza wamsaniyenge ngwakuchita viyo!

Marko 10:43

Kweni kuti kwe viyo mwaku imwe cha: yose yo wakhumba kuŵa mura mwaku imwe, waŵe mteŵeti winu,

Luka 12:37

Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.

Luka 12:42

Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Luka 19:17

Ndipo wanguti kwaku iyo, ‘Umampha, muŵanda wamampha we: pakuti mu kamanavi unguŵa wamagomekezgeka, uŵe wamtufu pa mizi chumi.’

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Machitidu gha Ŵakutumika 10:7

Ndipo wachiruta mungelo yo wangurongoro nayo, wangudana ŵaŵi ŵa ŵamunyumba yake, ndi wankhondo msopa, waku wo ŵamlindanga rutaruta;

1 ŴaKorinte 3:8

Ndipo wakupanda ndi wakudiriya maji mbamoza: kweni yose wajirondiyenge mphotu yaku yija kwakulingana ndi chitakataka chaku yija.

1 ŴaKorinte 9:13

Asi muziŵa kuti ŵakutakatakiya kasopi ŵaturghapo vya ku kasopi ndi kuti ŵalinda ŵapa jochero ŵasangana chigaŵa ndi jochero lo?

1 ŴaKorinte 9:7

Njani wateŵeta nge ndi msilikari wa nkhondo pa mphoto ya mweneko yija? Njani wapanda munda wa mphereska, ndi wareka kurghapo chipasi chake? Pamwenga njani waliska mskambu, ndi wareka kumwapo mkaka wa mskambu wo?

ŴaKolose 3:22

Mwaŵaŵanda, mwaku vyose vwiyani ambuyamwe ŵamu charu; mu kutakataka kwapa maso pe nge mbabukondweska ŵanthu cha kweni mu wanangwa wamtima, pakumopa Mbuya.

2 Timote 2:6

Mlimi wakutakataka yo watenere kusanganapo danga vipasi.

1 Petro 2:18

Mwaŵaŵanda, muthereskeke ku ŵambuyamwe mu chopu chose; ku ŵamampha ndi ŵaroŵevu wo pe cha, kweni so ku ŵakunyongoroka.

1 Petro 2:21

Chifukwa kwaku chenichi mungudanikiya; pakuti Kristu nayo wangukomwa chifukwa chinu, ndipo wamsiyiyani chandiru, kuti mundondoloskemo mu menderu ghake.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.